maiatza 2015

0

Sorkuntza-tailerrak egiten gabiz Labayru Fundazioan, gure egitekoak eta egitasmoak finkatu eta barriztetako gogoan. Lehengo astean bi egin ostean, maiatzaren 25ean beste bi egin ditugu: bata gazteak euskera gehiago erabilteko eta erabilten daben hori aberatsagoa izan daiten; bestea diziplina askotako sortzaileakaz, alkarlana ia egin geinken. (gehiago…)

0

Maiatzaren 19an hasi gara Labayru Fundazioan kreatibidade tailerrak egiten. Plan estrategikoan aurrera begira egin beharrekoen artean produktuen kartera barritzea jarri genduan helburutzat, eta horretarako izango dira holango tailerrak. Lau egingo ditugu orain, bi 19an eta beste bi hilaren 25ean. Tailerron helburua da gai baten inguruan leku eta lan arlo ezbardinetatik datorren jente talde bat batu eta gai horri buruz ahalik eta idea gehien ateratea. Idea guztion artean batzuk baino ez dira izango egingarri, eta horreetatik be lehentasunak erabagi beharko dira. (gehiago…)

0

Zuztarretatik ahora egitasmoaren barruan maiatzaren 14an egindako aurkezpenean, Andoni Busquet Basauriko alkateak egindako hitzaldia.

Arrasti on gaurko kantaldian parte hartuko dozuen guztioi, eta eurekaz etorri zarienoi; arrasti on ZUZTARRETATIK AHORA proiektu honetan aurrera egiten eta oraingo honetan aurkeztuko dogun ibilbide toponimikoa prestatzen lagundu eta hona etorri zarienoi (San Migelen izan doguzan informante edo lekukoei, Finagako San Martin Anaidiari eta Baskonia Mendi Taldeari);  arrasti on hemen zagozen guztioi. Gugaz bat egin gura izan dozue gaur hemen izango dogun herri-kantaldian eta ZUZTARRETATIK OINEZ izeneko bideoaren aurkezpenean.

ZUZTARRETATIK AHORA Nerbioi Ibaizabal eskualdeko herri-jakituria eta kultura tradizinoa batu eta berreskuratzeko proiektua da. (gehiago…)

0

Maiatzaren 14an Basauriko Social Antzokian Labayru Fundazioak egindako bideo bat aurkeztu zan. Herriko auzo batzuetatik igaroten dan ibilbidean hainbat jakingarri sartu dira lekuotako ondareari buruz. Aurkezpen ekitaldian, Labayruren izenean, Adolfo Arejitak hitzaldi hau egin eban.

Guk ez dogu Basauri lez ezagutu oin hemen gagozan herri hau. Baina izenak ondo agiri dau, lehenagoko denporetan baso artean eregitako etxe moltso txiki bat zala, uri txikitxu bat. Etxe moltso hori herri egin zan, herri txiki lehenengotan, hor Ibaizabal edo Nerbioen gora dagoan San Migel eleizearen inguruan: San Migel Basauriko. (gehiago…)

0

Maiatzaren 14an Basauriko Social Antzokian aurkeztu da Labayru Fundazioak egindako bideoa. Ordu laureneko iraupeneko bideo horretan, Basauriko auzune batzuk ezagutzeko ibilbidea erakusten da. Familian egiteko moduko ibilaldia agertzen da bertan, baina bide batez parejeon ganeko barriak emoten dabez bertako lekukoek.

“San Migel – Finaga – Castillo: Basauriko Zuztarrak arakatzen” izenburuak erakusten dau nondik nora doan bidea. Hona bideoa ikusteko lotura: San Migel – Finaga – Castillo: Basauriko Zuztarrak arakatzen (gehiago…)

0

Maiatzaren 12an Ander Iribar kazetaria Derion egon da, Labayru Fundazioaren barri bertatik bertara emoteko. Radio Euskadi Boulevard saioan zuzenean sartu gara. Ander Manterolak erakundearen sorrera ekarri dau gogora, Igone Etxebarriak aurrerantzerako erronkak, Akaitze Kamiruagak ondarea transmititzearen garrantzia eta Ziortza Egurenek argitaratu barri dan Labayru Hiztegiaren barri zehatza.

0

Zinc Shower era guztietako kultura-sortzaileen topalekua da, eta antolatzaileetako batek, Sara Maganek konbidauta, han egon gara maiatzaren 8 eta 9an. Berez, erakusketa da, baina azoka be bai, eta alkarregaz bat egiteko eta sorkuntzen ganeko trukeak egiteko lekua da. Aurten hirugarren urtez egin da, Mataderon, kulturarako egokitu eta errekuperau daben leku zoragarrian. (gehiago…)

0

www.mungianzaharrakbarri.com izeneko material didaktikoari buruzko saioak emoten gabiz herriko ikastetxeetako irakasleei, materiala hobeto ezagutzeko eta zelan eta zertarako erabili daiteken erakusteko. Lana agirian dago interneten, baina orain saio praktiko honeen bitartez, eskoletan emoten dauen etekina ateratea da helburua. (gehiago…)

0

Labayru Fundazioak aurrera begirako plana egin dau eta horren barri emoteko Bide barriak aurkezpena egin eban apirilaren 16an. Horren harira, Akaitze Kamiruagari alkarrizketa egin deutse Bizkaie! aldizkarian, Igone Etxebarriari ETBko EgunON saioan eta Adolfo Arejitari Berrian.

Akaitze Kamiruaga Bizkaie! aldizkarian

Igone Etxebarria ETBko EgunOn saioan

Adolfo Arejita Berria egunkarian

0

Sarean dago honezkero Labayru Hiztegi barriztua. Web barrian hiztegia be barriztauta dator, ugarituta. Alderdi teknologikoa Irontec enpresak landu dau.

Orain arteko Labayru Hiztegi elebidunari, Hiztegi Fraseologikoa gehitu jako. Hiztegi hori oindino egitasmoa da, egiten doa baina asko aberastu behar da. Ha ta guzti be, ez dago dudarik ekarpen itzela dala hizkuntza hainbat egoeratan erabili behar daben hiztun, idazle, itzultzaile eta abarrentzat. (gehiago…)