urria 2015

0

Bilboko Eleizbarrutiko kultur erakundeek jardueraz betetako eguna prestau dabe urriaren 30erako, Eleiz Museoan, Atxurin bat egingo dabenak. Kultura eta komunikazinoa ardatz direla, Jazotakoa jaso lemapean, gure ondarea zabaltzeko moduak izango dira jardueron muina.

Ekintzen artean, Carmelo Etxenagusia ohorezko aitamenak banatuko dira iluntzean.  Hiru personari emongo deutsie aitamena, ondarea jagoten eta zabaltzen bizitzan zehar egindako beharragaitik: Felix García Olano, Benito Ansola eta Gurutzi Arregiri. (gehiago…)

0

Aste honetan hasita, Apuntes de etnografía izeneko bloga zabaldu dogu: https://atlaslabayru.wordpress.com/. Aurkezpenean esaten dan moduan, Labayru Fundazioan etnografian egiten dan beharraren barri emotea da blog honen helburua. Baina gaiaz zeresanik euki leiken edonorentzat dago zabalik bloga, leiho bat izan gura dau bai guk daukaguna erakusteko, bai beste batzuena ikusi ahal izateko.

Lehenengo sarrerak Facebooken itzelezko arrakasta euki dauela esan daiteke. lehenengo egun bietan 7.000 bisita izan ditu eta.

Astean behin post barria gehituko da. Testuak eta irudiakaz, gaztelaniaz eta ingelesez zabaltzen hasi da oraingoz. Aurrerantzean bideoak be sartuko dira beharbada.

Sare bat osotzea izango da helburua, eta orain arteko interesa ikusita, egitasmo polita eta egingarria dala esan daiteke.

0

Noticias de Alava egunkariak Etniker Euskalerria taldeek Moredan egindako batzarraren barri jaso dau. Hemen loturea: Etniker Moredan

0

Aurten Etniker Euskalerriko taldeen urteko batzarra Moredan, Araban, egin da urriaren 24an. Izan be, urteko txandea dala-ta, aurtengoaren ardurea Arabako batzordeak euki dau. (gehiago…)

0

Joan dan eguenean, urriaren 22an, Mungiako Udaletxeko Elkartasuna Aretoan, Herri Ondareko Katalogorako fitxa digitalen aurkezpena egin zan. Han alkartu ziran Mungiako Udaletik, Alaitz Erkoreka euskera zinegotzia; eta Labayru Fundazioaren izenean Adolfo Arejita zuzendaria eta Akaitze Kamiruaga Herri Ondare Ataleko arduraduna. Eurekaz izan ziran lekuko batzuk, familia-artekoak, kultur taldeen ordezkariak eta herritarrak.

Hona bideoan Mungiako ondarea

 (gehiago…)

0

Jabier Kalzakortak “Olak eta burdingintza euskal literaturan” izeneko hitzaldia egin dau Ondarearen Europako Jardunaldien barruan urriaren 22an.

Garai bateko Euskal Herriko ibai-ertzetan era bateko eta besteko olak egozan. Ola handiak baziran zeharrolak izendatzen ziran, olak txikiak baziran, tiraderak edo olatxoak. Ibaiaren urak anteparan gorde eta uraren bidez olagizonek olako gabi-ardatza eta hauspoak erabiliz mea garbitu eta burdina moldatzen eben.

Olak XIX. mende azkenerako ez eben burdinarik egiten ez moldatzen. Euskal gizarte zaharrean olak inportantzia handia euki eben. Ola zaharretako kultura galdu bada be, zenbait euskal esaera zahar zein koplatan olen aipamena gordetzen da.

0

Busturian dago Mape erreka. Haren ganeko bideoan, herrian burdineak euki dauen garrantzia erakusten da. Hona bideoa bera: Burdinea Mape errekan

0
Adolfo Arejita, Aitor Aretxaga, Naiara Ruiz, Ziortza Artabe, Joseba Agirreazkuenaga.

“Burdinea Mape errekan” izeneko ibilbide bideoa aurkeztu eben Labayru Fundazioak eta Busturiko Udalak, Altamira auzoko kultura etxean, urriaren 16an, barikuz, iluntzeko 7:30etan, 2015eko Ondarearen Europako Jardunaldien barruan burdinea ardatz dala Bizkai mailan urri honetan eratu dan egitarau zabalaren barruan. (gehiago…)

0

Orozkoko parajeak ezagutzeko bideoa, ibilbide zoragarri baten bitartez. Orozkoko bideoa

0

Urriaren 16an, Orozkoko Donibane Aretoan egin zan Zuztarretatik Ahora egitasmoaren barruan aurtengo egin diran materialen aurkezpena.

Bertan alkartu ziran BFAren izenean Lorea Bilbao Kultura Ahalduna eta Ana de Castro Euskara Zuzendaria, egitasmo honetan parte hartu daben bederatzi udalerrietako zinegotzi eta alkateak, eta materialak garatu dabezan erakundeen ordezkariak. (gehiago…)