apirila 2016
Ahozko literatura gai hartuta, jardunaldia eratu dau Labayru Fundazioak apirilaren 7 eta 8an. Hasteko Jabier Kalzakortaren eta Maddi Oihenarten saioa gozatu eben Rekalde aretora hurreratu ziran ehun eta hogei lagunek.
Labayruko laguntzaileen batzarrak Ohorezko kide egin zituan Luis Angel Gainza, Amale Caballero, Miren Mujika eta Begoña Zearra. (gehiago…)
Aprilaren 7an Bilboko Rekalde aretoan batu ditu Labayru Fundazioak bere laguntzaileak urteko jardueren eta diru-kontuen barri emoteko.
Jokin Gorozika Artezkaritzako presidentea buru dala egin da batzarra. Gai nagusiak bi izan dira: urteko jardueren barri emotea eta diru-kontuak onartzea, 2015eko kontuak eta 2016rako aurrekontua.
Bietatik lehenengoa bideo baten bidez erakutsi da. Kontuen argibideak Gabin Azaola diruzainak emon ditu.
Horren ostean, Artezkaritzako kide bi aldatu dira, bik urten egin dabe eta beste bi aukeratu dira laguntzaileen artean Artezkaritzako kide izateko.
Zaha Hadiden heriotza ezustean etorri da martiaren akabu honetan. Hori dala-ta, Euskal Herriagaz euki dauen hartu-emona gogoan dala, hedabideetan hainbat aitamen ikusi dogu. Izan be, Zorrotzaurren eta Durangon egitasmo potoloak euki ditu egiteko, hirigintza aldetik eragin handikoak. Hartu-emon horreen lekukotasuna han eta hemen dago, baita gure artxiboan be.
Rafael Batarritak Labayru Fundazioari emondako fondoan era askotako bideo-grabazinoak dagoz, tartean Zaha Hadidek gure artean egindako ekitaldienak. Guztira hiru bat orduko bideo-grabazinoak dira, eta argazkiak; Durangoko egitasmoa dala-ta, berak emondako hitzaldia eta EuskoTrenegaz egindako hitzarmena sinatzen besteak beste.
Bilbo-Abando
Colon de Larreategi, 14 – 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri, 1A - 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep., 6A
48004 Bilbo (Bizkaia)
Tel.: +34 94 607 72 10
labayru@labayru.eus
