abendua 2016
Abenduaren 22an aurkeztu dogu Zamudioko Kultur Etxean, Geureak bildumako seigarren alea, Zamudio: bizimodua eta ohiturak liburua. Bertan batu dira egitasmoan parte hartu daben lekukoak, udaleko ordezkariak, Lagatzu Euskera Taldeko kideak eta Labayru Fundaziokoak.
Egitasmo hau 2013an egin zan ikerketa etnografikoaren bigarren emaitza dogu. Bertan hamar kapitulutan banatuta Zamudioko herri ondare etnografikoa eta linguistikoa batu dira. Kasu honetan, kapitulu bakotxaren amaieran laburpena dago, bai gazteleraz eta bai ingelesez.
Lana burutzeko 30 lekuko aukeratu eta 60 orduko bideo-grabazinoak egin ziran herrian. Informanteek emondako testigantzetan oinarrituta dago lan hau, euren bizipenak eta euren oroitzapenak dira liburuaren mamina. Azken baten XX. mendean Zamudiok egin dauan bilakaerea azaltzen da. Tarte horretan gizarteak eta herriak berak aldaketa itzelak ezagutu ditu, eta guzti horreen testigu izan dira gure lekukoak.
Lan honek Zamudioko lehena, oraina eta geroa batzen ditu, herri jakituriaren transmisinoari bidea emonez.
Abenduaren 22an Pantxoa Etxegoin Euskal Kultur Erakundearen (EKE) zuzendariak bisita egin dau Labayruko Euskal Bibliotekara.
EKE erakunde publiko bat da, Uztaritzen egoitza daukana. Bere helburua Iparraldean euskal kultura ikertu eta zabaltzea da.
Luis Angel Gainza kolaboradorearean bitartez etorri da Etxegoin, hemendik aldizkari eta liburu batzuk euren liburutegirako eroateko. Horreekaz batera gure argitalpenak be eroan ditu, euskereagaz lotutakoak batez be.
Euskal Kultur Erakundeak Uztaritzeko egoitzan liburutegia dauka ikertzaileentzat; horregaitik, gure Euskal Bibliotekagaz materialen trukerako hartu-emona dauka, eta oso eretxi ona hartu deutso.
Marijesiak edo Abendua izenez ezagutzen da Bizkaian Gabonetan herri batzuetan ohitzen dan kantu-errondea. Jesusen jaiotzako koplak abestuz etxerik etxe eske-erronda egiten da hainbat herritan. Batzuk abenduaren 23an bakarrik, beste batzuk Gabon aurreko bederatzi gau edo goizaldetan.
Ohitura horren barri emonaz liburua eta DVDa argitaratu ebazan Labayruk. Dokumentalaren bideoa orain youtuben jarri dogu edozeinek ikusteko moduan. Marijesiak Abenduko koplak
Gozatu kantuakaz eta ikasi gure ohituren ganean.
Bilbo-Abando
Colon de Larreategi, 14 – 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri, 1A - 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep., 6A
48004 Bilbo (Bizkaia)
Tel.: +34 94 607 72 10
labayru@labayru.eus
