azaroa 2017

0

Azkoitiko The Kilkers taldeak irabazi dau Labayru Fundazioak eta Gaztea Irratiak alkarlanean antolatu dogun Euskal Esamoldeen Erronka. Guztira bost bideo aurkeztu dabez azkoitiarrek, eta Baldatxora bialdu eta joko haut palakin esamoldeak erabilita egindakoa izan da lehiaketako bideo irabazlea. Europako hiriburu batera joateko lau lagunentzako bidaia irabazi dabe, El Corte Inglés-en eskutik. Saria abenduaren 6an hartuko dabe, arratsaldeko 18:00etan, Durangoko Azokako Areto Nagusian egingo dogun sari-banaketa ekitaldian.

 (gehiago…)

0
Adolfo Arejita, Luciano Martínez, Garazi Otxagabia, Lourdes Otaegi

Zornotzako udaletxean, azaroaren 30ean aurkeztu dira urte birik behin egiten dan Aita Santi Onaindia bekako emaitza barriak. (gehiago…)

0
2017ko Lauaxeta Sariak

Bizkaiko Foru aldundiak Euskeraren Egunean emoten dituan Lauaxeta sarietan, aurten, poesiakoa Amaia Iturbideri emon deutso, Dorrearen eta penduluaren arteko ituna poesia-lana kontuan hartuta.

Amaiak ibilbide luzea daroa bai poesia bai prosa idazten, baita gure artean be; izan be, Idatz & Mintz aldizkarian behin eta barriz parte hartu izan dau, sorkuntza lanak argitaratzen.

Zorionak Amaia!

0
Joseba K. Perez de Heredia, José Ángel Chasco, Estibaliz Alkorta, Roberto González de Viñaspre.

Azaroaren 22an Gasteizko Artium Museoko aretoan aurkeztu dabe Sierra de Toloño, nexo de la montaña y La Rioja Alavesa. Egilea José Ángel Chasco da, Etniker-Álava taldeko kidea; eta lana Euskaltzaindiak argitaratu dau. (gehiago…)

0

Azaroaren 10ean Jabier Kalzakortak saio bat egin eban Otxandioko liburutegian, bertako irakurketa taldeagaz. Talde horretan herriko irakurleak alkartzen dira eta hilean behin euren jardunerako liburu bat aukeratzen dabe.

Azarorako Otxandioko talde honek aukeratu eban obra Kalzakortak aspaldi itzulitako Pu Sonlingen ipuinak izan zan eta saioan, irakurleen usteak eta eretxiak entzunez, itzultzaileak lana zergatik moldatu eban azaldu eban. Horrezaz ganera, hainbat jakingarri erakutsi eban Txinako ipuin bilduma honen ganean zein aspaldion ahozko literaturaren lekukoak eguneratuz Auspoa bilduman egiten diharduan argitarapen lanaren ganean.

 

 

0

Labayruko eskolen eskaintzaren barruan, 2017-18 ikasturtean, Iparragirre ikastolan umeen gurasoentzako ikastaroak sortu dira. Ikastola honetan 2-5 urteko umeak dagoz, Haur Hezkuntzako ziklokoak. Bilbo erdian D ereduan irakasten dabe.

Aurten, gurasoen batzordeak bideratuta, 36 ikasle batu dira hiru taldetan batez be mintzamena, ahozko hizkuntza lantzeko. Azarotik ekainera bitartean, astean-astean eukiko dabez eskolak, euren premina eta mailara egokituta.

0

Azaroaren 9, UPV/EHUko Arte Ederren Fakultadeko Enara Artetxe, Jose Antonio Morlesín eta Javier Díezen bisitea izan genduan Labayru Fundazioaren Derioko egoitzan. Jon Elorriagak eta Igone Etxebarriak Euskal Bibliotekako fondoak zeintzuk diran eta zertarako erabilten diran azaldu eutseen.

Ostean, Idoia Tolosak eta Ziortza Artabek Fundazioak daukazan kartelak erakusteaz gainera, aurrerantzean, eurok oinarri hartuta, Unibertsitateak eta Labayru Fundazioak alkarregaz egin leikiezan egitasmoen gainean jardun eben berbetan.

0

Labayru Fundazioak #BOTABA Euskal Esamoldeen Erronka lehiaketea eratu dau azaroaren 8an hasita. Gaztea Irratiko Dida saioan emongo deutsagu hasierea eta eguaztenero egingo jako jarraipena bertatik. (gehiago…)

0

Aurtengo irailetik azarora bitartean, eskolako irakasleentzako ikastaroak emon doguz Abanto-Zierbenako El Casal ikastetxean eta Gatikako Herri ikastetxean.

Lehenengoa “Ipuingintza. Kontalaritza” gaia lantzeko 14 orduko ikastaroa da, eskolako 13 irakasleri zuzendua, Gorane Intxaurraga irakasle dala.

Bigarrena Biosne Zarandonak emon dau. Hau be eskolako irakasleentzat, 13 guztira, beste gai bat lantzeko: “Euskaltzaindiaren arauak. Hizkuntzaren zuzentasuna eta egokitasuna, hitzez edo idatziz”.

IRALEk irakasleen prestakuntzarako programa zabala eskaintzen dau, eta Labayru Fundazioak hainbat ikastaro emoten ditu programa horren barruan.

0

Etniker Euskalerria Taldeek urteko batzarra egin dabe urriaren 28an Saran (Lapurdi). Izan be, aurten Iparraldeko taldearen txandea izan da batzarra antolatzeko. (gehiago…)