maiatza 2019

Euskara-teknikarirako ikastaroan izena emoteko aldia

0
Argitaratze data: 2019-05-29 Kategoria: Barriak, Hizkuntza

Irakaskuntzako eskaintzaren barruan, Labayruk ikastaro berezi bat egiten dau urtero irailean: euskara-teknikari izateko prestakuntza saioa.

Aurten be, irakasle adituek prestautako programa beteko da, halango zereginetarako interesa daukenek lanbide horretarako prestatzeko. Udaletan, enpresetan, trebatzaile edo teknikari jarduteko lanak bere baldintzak ditu: alderdi administratiboa, hizkuntzaren erabilera, euskara-planen indarraldia eta lan-ildoak… Era horretako gaiak landuko dira ikastaroan.

Horrezaz ganera, ikastaroa gainditzen dabenak lan-boltsan sartzen dira, eta lan-eskariren bat dagoanean ikasle horreek dira lehenengo hautagaiak.

Gogoratu matrikula orain egin behar dala, uztailaren amaierara bitartean, oporren aurretik, ikastaroa irailean egingo bada be.

Euskara-teknikari ikastaroko informazinoa

Eskaintza zabala Udako ikastaroetan

0
Argitaratze data: 2019-05-17 Kategoria: Barriak, Hizkuntza

Uda hasieran, ikasturtea amaitu eta jarraian, euskera ikasteko eskaintza zabala dakar Labayru Fundazioak aurten be. Alde batetik, euskera ikasteko mailak, eta bestetik ikastaro bereziagoak: EGA, itzulpengintza, bizkaiera…

Hamabostaldi bitan egingo dira ikastaroak: ekainean 17tik 29ra bitartean, eta uztailean 1 eta 13 bitartean.

Matrikula egiteko epea zabalik dago. Argibideak hemen.

Jabier Kaltzakorta eta Peru Abarka

0
Argitaratze data: 2019-05-14 Kategoria: Erreportaiak, Literatura

Onda Vasca irrati-kateak lehiaketa bat egin dau, pista batzuk emonda ‘Peru Abarka’ idazlana asmatzeko. Emaitzaren barri azaltzeko, Jabier Kaltzakorta aditua alkarrizketatu dabe. Jabierrek bai Peru Abarkaz bai Juan Antonio Mogelez jakingarri interesgarriak azaldu ditu.

Euskodok eta liburuzainak alkartu

0
Argitaratze data: 2019-05-14 Kategoria: Barriak, Euskal Biblioteka

Maiatzaren 10ean alkartu zirean Euskodokeko kideak eta Sancho el Sabio, Lazkao eta Labayruko liburutegietako arduradunak. Lehenengo Antezanako eleizea ikusten joan ziran, Xabier Egañaren margoak ikusteko. Horren ostean, Legution alkarregaz bazkaldu eben.

Hiru liburutegion artean alkarlana aspaldi-aspalditik dator. Neurri baten Euskodok alkarteko kideek hirurentzat materiala jasotzen egiten daben lanak batzen ditu. Izan be, kartelak, folletoak, aldizkariak eta ganerako paper-euskarriko ale txikiak batzen lan handia egiten dabe.

Horrez ganera, Labayruko Euskal Bibliotekan astean-astean ibilten dira bertako fondoak osotuten eta ordenatzen laguntzen.

Labayru gaur

Bilatu

Saskia

Artxiboa

Kategoriak