Labayru Gaur

Martiaren azkenengo aste osoan Women’s Football Week ospatzen dabilz Bilbon Athleticek eta BBKk eratuta, UNESCOren babesagaz. Lehenengo egunean, iluntzean, Labayruk 2024an sortutako Hamaika andra zurigorri ikus-entzunezkoaren emonaldia egin zan eta ostean mahai-ingurua honeen artean: Aitziber Juaristi, Zain erakundea; Iraia Iturregui, Athletic Club; Jon Ruigomez Machín, Itsasmuseum Bilbao eta Akaitze Kamiruaga, Labayru Fundazioa.

Alkarrizketan zehar hainbat gai erabili dabez: emakumeen kirolaren eragina, gizartearen harrera, komunikabideetako presentzia, lehengo eta oraingo egoerak, lan baldintzak…

Jardunaldiotan kirola eta eragin soziala batu gura dira, genero berdintasunaren, aniztasunaren eta kohesino sozialaren alde. Jarduerak BBK Kunan, BBK Aretoan, Deustuko Unibertsitatean eta San Mamesen egingo dira, futbolaren eta emakumeen kirolaren balioak erakutsi guran. Gogoeta eta eztabaidarako guneak izango dira bai BBK Kuna, bai San Mames 27ko ekitaldi nagusian.