Labayru Gaur

Bilboko Elizbarrutiak 75 urte bete dituela-ta, beste jarduera askoren artean, denpora horretan guztian kultur arloan egindakoaren memoria aurkeztu dau. 1950-2025 tarte luzea da, hainbat gauza egiteko. Eta egin egin dira. Memoria horretan dagoz ikastetxeak, artxiboa, museoa, Labayru, liburutegia, irakasleen eskolea… Adar asko hartzen ditu kultureak eta danen barri emoten da txosten horretan.

Aurkezpena egiteko ekitaldia Joseba Segura gotzaina buru dala egin da, eta bertan kultur gaietan zeresana daukien personen arteko berbaldia egin da, oso ikuspegi ezbardinetatik begiratuta. Miguel Zugaza Arte Eder Museoko zuzendaria, Lara Izagirre zinegilea eta Xabi Paya kultur-gestore eta bertsolaria izan dira parte hartzaileak, Idoia Jauregi kazetariak moderatuta. Gaien artean adimen artifizialak ekarritako erronkak, sortzaileen papela gizartean, gizartearen joan-etorri arinak, artearen irakaspena eta abar erabili dabez, berbaldi atsegin-gozoan.

Gizarteko ordezkari asko egon dira, tartean Deustuko Unibertsitateko erretorea, Bilboko alkatea, Kulturako ahalduna, Jaurlaritzako, Eusko Legebiltzarreko ordezkariak, kultur munduko jentea eta Eleizbarrutiko kolaboradoreak.