Labayru Gaur

Badator Durangoko Azoka, eta han egongo da barriro Labayru Fundazioa. Aurten be argitalpen barri batzuk dakarguz, lehenagokoakaz batera erakusteko.

• Beste gerrako kronikak. Bikote harremanak eta indarkeria Ramon Saizarbitoriaren eleberrigintzan, Lourdes Otaegi eta Garazi Otsagabiak egindako liteatur-ikerketa da, Aita Santi Onaindia bekari esker. Zornotzako Udalaren eta Labayru Fundazioaren lankidetzaren emaitza dogu.
• Kantuz eta itxaropenez Nikolas Alzola Gerediaga Bitañoren olerki bilduma da, Izurtzako idazlearen poesiaren erakusgarria. Iaz haren narrazinoakaz osotutako liburua argitaratu genduan bilduma berean.
• Esanetik idatzira I – Gramatika estiloen zabuan Adolfo Arejitak gramatika-gaiei buruz egindako artikuluak dira, araugintzari baino gehiago estiloari begira egindakoak.
• Gurean zer berri? Zaharrak berri 3, ‘Apuntes de etnografía’ blogean argitaratutako artikulu hautuen bilduma da, hirugarrena honezkero.
• Idatz & Mintz – Literatur atalen sorta 66, literatur aldizkariaren aurtengo lehenengo alea dogu, sorkuntza zein literatur-azterketa zabaltzen dauena.

Gaur egun honezkero sarean egiten ditugu bestelako argitalpen asko, ikusentzuteko bitartekoakaz. Horreen barri beste kanal batzuetan emoten dira: youtube, labayru.eus amaieradun webguneetan eta abar.