Labayru Gaur

Bilbok euskereagaz euki izan dauen loturearen barri emoteko, erakusketa prestau genduan Bilboko Udalarentzat orain dala urte bi. Toponimiatik hasi, kantutegian eta kopletan arakatu gero, eta literaturan zehar Bilbon egin izan dan euskerearen bilakaera jarri genduan erakusketa horretan.

Bilboko udaltegi guztietan egon eta gero ibilaldia amaitu eban, baina orain barriro berreskuratu da Esperanza frontoian jartzeko. Izan be, informazinoak orain be balio dau eta, Euskerearen Nazinoarteko Eguna igaro barri dagoala, ez dago txarto gogoratzea Bilbo eta euskerea lotu-lotuta egon dirala.

Hainbat idazle, kantari, artista bilbotar euskaldunen barri emoten da erakusketan. Baina baita beste jarduera batzuk be: bendejerak, lehenengo ikastolen sorrerea, jaiak eta abar. Euskerea zabaltzeko ardura eta eragina euki izan daben personen barri emoten da, euskerea Bilbon ondo zuztartuta dagoala adierazteko.