Kategoria: Ekitaldiak

0

Aurreko baten iragarri genduan moduan, Itsasmendi txakolin-dastaketa egin genduan martiaren 22an, txakolingintzaren ganeko jakingarriak esateaz ganera. Pedro Mari Goikoetxea izan genduan anfitrioi, eta bere bitartez euki genduan gure artean Anjel Mari Peñagarikano bertsolaria be. Haren bertsoakaz asko gozau genduan ekitaldian bertan. Orain, Anjel Mariren bertsoak ekarri deuskuz Pedro Marik Labayrun gordetako, ekitaldi haren oroigarritzat. Eskerrik asko, benetan!

0

Eguenetik domekara, lau eguneko bidaia egin dau Azkoitiko The Kilkers taldeak. El Corte Inglés-en eskutik, lau egunez Budapest bisitetako erea euki dabe. Gainera, lehiaketaren lehenengo asteko saria be eurek irabazi eben, lau lagunentzako argazki kamara bana, bidaian zenbat-gura argazki aterateko. (gehiago…)

0

Martiaren 22an Rekalde aretoan alkartu gara Txakolinak on egin! ekitaldian. Pedro Mari Goikoetxea aurkezle dala hasi da ekitaldia. Labayru Fundazioak ondarean egiten dauen lanaren barruan, aurten Agricultura en Vasconia liburua argitaratu barri da, Atlas Etnográfico de Vasconia egitasmoaren barruan. Beste alde batetik aurten Ondarearen Europako Urtea da, eta hori be ospatu gura izan dogu. Eta ondorioz, gure inguruko lagunak ekitaldi ludiko batera batzeko, txakolin-dastaketa egin dogu. (gehiago…)

0

Labayru Fundazioak laguntzaileen urteko Batzar Nagusia egin dau martiaren 21ean Bilbon. Hasteko, iazko batzarreko akta onartu da. Ondoren, urtean zehar egindako jardueren barri emon da laburpen-bideo baten bitartez, eta diru-argibideak, bai 2017ko jardunaldiaren itxiera bai 2018ko aurrekontua. (gehiago…)

0

Martiaren 21an egingo dau Labayru Fundazioak laguntzaileen urteko Batzar Nagusia, urteko jardueren barri emon eta diru-kontuak onartzeko.

Aurten, ganera, hiru kide Ohorezko Laguntzaile izendatuko dabez: Rafael Barbier, Bego Etcheverry eta Segundo Oar-Arteta, hirurak aspaldiko kolaboradoreak bakotxa bere arloan eta neurrian.

Horren ostean, hilaren 22an, “Txakolinak on egin!” ekitaldia egingo da. Aurten ondarearen urtea dala eta Atlas Etnografikoan Agricultura en Vasconia izeneko alea argitaratu dala kontuan hartuta, txakolin-dastaketa egingo dogu Itsasmendi upategiagaz batera.

Saio biak Bilbon egingo dira, Rekalde aretoan, arrastiko 6:30ean. Txakolin dastaketarako izena emon behar da aurretik.

0
Liburuzainak Ubiden.

Martiaren 16an, Labayru Fundazioko Euskal Bibliotekako laguntzaile taldea Ollerietako Zeramika museora bisitea egin genduan. Hango zuzendariak, Blanka Gómez de Segurak, erakustaldi praktikoa egin euskun jarro bat eta potiza bertan eginda. Horrez ganera museoa erakutsi eta hango piezen jatorria azaldu euskun. (gehiago…)

0

Otsailaren 14an Bilboko BBK Gelan aurkeztu da Euskal Herriko Atlas Etnografikoaren zortzigarren alea, Agricultura en Vasconia. Hasteko Gorka Martínez BBK Fundazioko zuzendariak hartu dau hitza, harrera egiteko eta eskertzeko euren etxean egitea ekitaldia. (gehiago…)

0

Aratusteak dirala-ta, Akaitze Kamiruagak hitzaldia egin dau Derioko Udal Euskaltegian “Neguko zikloa: Aratusteak-Karnabalak” gaiari buruz otsailaren 8an. (gehiago…)

0

Aurreko baten iragarri genduan Botaba! lehiaketako irabazleak nortzuk izan diran eta bideoen barri be emon genduan. Orain, Durangoko Azoka bitarteko dala, sari-banaketa egin dogu. Lau sari banatu dira: aste bakotxeko bana, hiru guztira, eta sari nagusia. (gehiago…)

0

Abenduaren 1ean hitzaldia egin dau Jabier Kalzakortak Foru Liburutegian Olentzerori buruz. ‘Literatur topaketak’ programaren barruan, Olentzero euskal kantutegian zelan agertzen dan azaldu dau Jabierrek.

Laster dira Gabonak eta herri guztietan urtengo dira taldeak kantuan Olentzerori opariak eskatzeko. Inguru batzutan ohitura hori nahiko barria da, baina tradizinoa aspaldikoagoa da. Euskal kantutegian horren adibide eta argibide asko dagoz, eta hori azaldu dau Jabier Kalzakortak hitzaldian.

‘Literatur topaketak’ programako hitzaldi guztiak liburu baten argitaratu dira, eta hor da Kalzakortak abenduan emondakoaren testu idatzia be.