Kategoria: Hizkuntza

0

Bilbon hara-hona. Leku-izenak eta euren arrastoak izeneko liburuak Bilboren barri emoten dau, baina toponimia gidari dala. Hau da, Bilboko hainbat leku-izenen bitartez, lekuon ganeko hainbat informazino emoten da.

Lan korala da, 40 artikulu ditu, hainbat idazlek onduta. Ikuspegia ezbardina da batetik bestera: historikoa, linguistikoa, anekdotatan oinarritua… Danak oso interesgarriak eta jakingarriak.

Toponimia leku-izenak aztertzen dituan disziplina da, eta oso lagungarria da lekuotako bizimoduaren barri emoteko. Geografia, orografia, lanbideak, persona ilustreak… hainbat jakingarri adierazten dabez.

 (gehiago…)
0

Martxan dago, bai; euskereari behar dauan hauspoa emoteko ariketea; euskeraz bizi gura dauanari ateak zabalduko deutsazana eta hiztun barriak hurreratzeko deia egingo dauana. Euskaldun zaharrak, euskaldun barriak, euskaldun jaioak, euskalduntzen dabilzanak… danok gara kate hasibarri eta amaierabako honetako katenbegi ezinbesteko. Euskerearen sasoia dogu hau, txikitasunetik handi egiteko aldia; Euskaraldia.

Labayruk bat egin dau ekimenagaz; parte hartu ezeze, sustapen lana egiten be jardun dau azkenotan. Geure jardunlerroetan oinarririk badago, euskerea zabaldu eta sendotzea da zalantza barik ardatz. Halanda ze, euskera gehiago, gehiagogaz eta gehiagotan egiteko konbitea bialtzen deutsuegu. Egin daigun danon artean bat… eragin daigun!

Gora Euskaraldia!

0

Aitziber Argiarrok, Labayru Fundazioko teknikariak, Euskaraldiaren barri emon dau Segurtasun Saileko Erandioko egoitzan azaroaren 10ean. Aurkezpen berean, Izaskun Urien Azpitartek, Giza Baliabideen zuzendariak, emon ditu bertakoentzako Euskaraldiaren ganeko barri batzuk.

Aitziberren aurkezpenean, Euskaraldia zer dan, Ahobizi eta Belarriprest izatea zer dan, aurreko edizinoko datuak, aurtengo barrikuntzak zeintzuk diran, ariguneak zer diran eta abar azaldu zituan.

Euskaraldia, azaroaren 20tik abenduaren 4ra egingo da Euskal Herri osoko herri, enpresa eta administrazioetan. Segurtasun Sailean be izena emoteko aukera dago eta ariguneetan antolatzeko.

0

Labayru Fundazioa aspaldi hasi zan lineako ikastaroak eskaintzen eta emoten, hainbat gairi buruz: etnografia, euskal kultureagaz lotutakoak, itzulpengintzakoak, goi-mailako ikastaroak… Eta ikasturte honetan euskalduntzeko edo alfabetatzeko ikastaroak gehitu doguz gure eskaintzara.

Berez, Covidaren aurretik hartutako erabagia zan, baina egoerak horretara bideratu gaitu, eta fin ekin deutsagu.

 (gehiago…)