Kategoria: Literatura

0

Badator Durangoko Azoka, eta han egongo da barriro Labayru Fundazioa. Aurten be argitalpen barri batzuk dakarguz, lehenagokoakaz batera erakusteko. (gehiago…)

0

Nikolas Alzola Bitaño Izurtzako idazlearen Kantuz eta itxaropenez izeneko liburua aurkeztu dabe Izurtzan azaroaren 27an. Iaz narrazioen bilduma egin zan moduan, aurten Bitañoren olerki hautuakaz osotu dau liburua lan-talde berak. Antton Mari Aldekoa-Otalora, Xabier Boveda, Alberto Errazti eta Sebas Gartzia Trujillo dira edizinoaren atontzaileak, eta Labayru Fundazioa argitaratzailea. Testuakaz batera, ganera, egileak berak egindako marrazkiak argitaratu dabez, edizino txukun-txukunean.

Aurkezpenean hainbat jentek parte hartu eban: Udalaren izenean Lorea Muñoz alkateak, Labayruren izenean Adolfo Arejita zuzendariak, lasalletarren izenean Martin Lasak, Iurretako koruak Antton Marik zuzenduta, eta poemak irakurten beste hainbatek, Gerediaga alkartetik, Bitañoren familiakoak, Labayru Fundaziotik eta egileak eurak. Bingen Zupiria Kultura eta Hizkuntza Politikako sailburua be etorri zanez, egileen laguna dan aldetik, aurkezleak berba egiteko bidea emon eta parte hartu eban.

Ekitaldi ederra izan zan, herritarrak, lagunak eta senideak alkartuta. Liburua bera, irakurgai labur-errezez osotuta dago, testu atsegin eta bihozkorrakaz.

0

Sabino Arana Fundazioak eta Bilbao 700 Fundazioak alkar hartuta, “Euskal literatura eta memoria” izeneko jardunaldia eratu dabe azaroaren 20an Bilbon. Erakunde biok memoriaren ganean eratuten daben hirugarren saioa da.

Igone Etxebarria Labayru Fundaziokoa ibili da eratzen laguntzen, eta jardunaldian bertan aurkezle edo moderadore. (gehiago…)

0

Urriaren 10ean, iluntzeko 7.30ean, aurkeztu eban Laura Uruburu idazleak Katigatu ninduzun librea nintzena izeneko eleberria, bere jaioterrian, Gernikan, uriko Iñurrigorria izeneko liburudendan. Labayru Fundazioak argitaratua da liburu hau, Urbegi literatura sortan.

Ordubete inguruz jardun eban hogei bat lagunen aurrean (irakasle, kazetari, idazle eta beste) bere eleberriaren kanpo-barruak, azal-maminak puntuz putu garantzen. Hitzaldi ondo taiutu eta jositako baten, bizitasunez eta arintasunez zehaztu zituan obraren hainbat alderdi. (gehiago…)