Labayru Gaur

0

Otsailaren 28an aurkeztu dogu BBKren Gran Viako egoitzan Euskerazko Dotrinak izeneko liburua, Jose Mari Rementeriak prestatutakoa eta Labayru Fundazioak argitaratua, BBK Fundazioaren laguntzaz.

Adolfo Arejitak, Labayru Fundazioko zuzendariak, dotrinen garrantzia azpimarratu dau hizkuntza landua edo jasoa ikasteko eta lantzeko. Hainbat urtean eskola erderaz egiten zanean, dotrinea zan euskera erabilteko testuinguru bakarra etxetik kanpora, gizarte euskaldunetan. Dotrinagileek, gainera, ze erregistro erabili erabagi behar izan dabe, eta hizkuntza idatziaren bilakaera ezin da osotu idatziok kontuan hartu barik.

Jose Mari Rementeriak lana egiteko prozesua azaldu dau, orain dala bost hamarkadatik honako lanarena. Izan be, liburu honetan bizkaieraz idatzitako dotrinen katalogoa jaso dau, baina beste euskalkietakoak be batuta ditu eta hurrengo liburukiak prestatzen dabil.

Dotrina irakasteko modua ez da hainbeste aldatzen, gehienetan gaztelaniatik egindako itzulpenak dira eta. Galdera-erantzunen bidez eratuta dagoz testuak eta sarritan buruz ikasten izan dira. Baina hizkuntza aldetik aldaera asko dagoz, alde horretatik balio handikotzat jo ditu.

Aurkezpenean, ganera, bitxikeriaren batzuk be emon ditu: argitaraldiak, zentsuraren gorabeherak, ahozko berbeteak eragindako txarto ulertuak…

Jakingarri asko jasotzen ditu Euskerazko Dotrinak liburuak, bai dotrinei buruz bai hortik gora.

Hemen idazleak aurkezpenean esandakoa osorik irakurtzeko eta bideoan horren laburpena.

Dotrinak Jose Mari Rementeriaren idatzia

 

Iruzkinak ( 0 )

    Iruzkin bat idatzi

    Your email address will not be published. Required fields are marked *

    Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.