Etnografia atalak
Andra Mari Zuriaren jaiak 1997. Blusen eta nesken koadrilak Matxete plazako eskaileretan. Egilea: Luis Montoya Pérez.
Herri eta hirietako udako festen garaian gaude, eta gazte-taldeen parte-hartzea ezinbesteko faktorea da jai horiek antolatzeko eta ospatzeko. Ikusle hutsak izan beharrean, gazte kuadrillak ekimenak antolatzeko eta haien bizirautea bermatzeko motor bihurtu dira. Jai-giro alaian, haien inplikazioak gizarte-sarea indartu eta komunitateko kide izatearen sentimendua sustatzen du. (gehiago…)
San Roke, bere izena daraman dantzaren lekuko mutu, 2017/08/16. Egilea: E. X. Dueñas.
Historialarien arabera, San Roke Montpellierren (Frantzia) jaio zen. Hala ere, data, eta are mendea ere, ezezaguna da oraindik ere: XIII. eta XIV. mendeen artean kokatzen duten hainbat hipotesi daude.
Dena dela, santu honek, dirudienez, izurriak jotako gaixoak sendatzen zituen, hau da, izurri buboniko eta heriotza beltz izenez ere ezagutzen den gaitzaren biktimak, XIV. mendetik aurrera Europan zehar zabaldutakoa. XVI. mendean, Deba, garai hartan harresiz inguratua, bidaiari eta merkatarientzako bidea zen Santiago de Compostelara egiten zuten erromesaldian (“Iparraldeko” ibilbidea deitzen zaiona). Egoera orokor larri horren ondorioz, herriak bere ateak ixtea erabaki zuen, eta horrek eragin zuen herrirako sarbidea Artzabalgo harresiz kanpoko auzotik zehar izatea. (gehiago…)
Taberna Bedia (Bizkaia) herrian. Iturria: Labayru Fundazioaren Argazki Artxiboa.
Txikiteoa ondo errotutako eta tradizio handiko ohitura izan da Euskal Herrian (eta inguruko beste lurralde batzuetan). Txikiteoa tabernaz taberna ibiltzea da, zutik “txikitoak” edo baxoerdiak (edalontzietan hartzen den ardo kantitate txikia) hartzen diren bitartean. Herrietan, tabernaz beteriko eremu ez oso handi batean edo batzuetan egiten da txikiteoa, oro har. Taberna horietan, lagun-taldeak, txikiteroak, elkarrekin aritzen dira hizketan, eta herriko eta gertuko beste herri batzuetako albisteei edo gertaera orokorrei buruz jarduten dute. Txikiteoari poteo ere esaten zaio eta txikiteoan aritzeari poteatzea.
(gehiago…)
Gaztelua Eskolunben (1915). Egilea: Balbino Sobrado (AMVG).
Giza dorre edo gaztelu izenez ezagutzen diren formazio akrobatikoak jai-elementu hedatuak dira; baina, agian, gutxi aztertu direnak. Normala denez, gazteekin edo giza formazio horiek antolatzen dituzten elkarteekin lotuta egon ohi dira. Kide batzuk besteen gainean igotzean datza, oro har, komunitatearen aurrean beren gaitasun fisikoa erakusteko; eta, bertatik, ospakizunari buruzko bertsoak botatzeko. (gehiago…)
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
