Etnografia atalak
San Roke eguna Pagasarrin. Iturria: Jose Arruabarrena.
Pagasarri toponimoaren sorburua euskarazko “pago” eta “sarri” hitzak dira, hau da, “pago asko dagoen lekua”. Toponimo zahar-zaharra da, Diego López Haroko jaunak 1300. urtean emandako Bilboko Hiri Fundazioaren Gutunean agertzen baita, Fagasarri aldaeraz idatzita.
Sareginak Lekeition. Iturria: Nieves Mendazona.
Sareginena belaunaldiz belaunaldi transmititu den lanbide tradizionala da, eskuz egiten dena eta espezializazio handikoa. Historikoki, Bizkaiko portuetako sareginak itsas jardueraren euskarri sendoa izan dira. Haien lana ezinbestekoa izan da arrantzaleek hurrengo egunean itsasora joateko moduan sareak prest izateko. Hala ere, azken urteetan baxurako arrantzak izan duen beherakadarekin, lanbide honek gainbehera handia jasan du, eta gaur egun desagertzear dagoen ofizioa da.
San Nikolas, Muruzabaleko Gotzaitxoa. Iturria: Fernando Hualde.
Nafarroako Foru Erkidegoko hamar bat herritan Kultur Ondare Immaterialaren harribitxi bat gordetzea lortu dute. Beste eskualde batzuetan urritzen hasia da, eta Penintsulako erkidego gehienetan ez da existitu ere egiten. Hala ere, ez diogu behar adinako garrantzirik ematen, hain zuzen ere, ohituta gaudelako hura gure artean ikustera. Jakina, urria denez, gero eta balio handiagoa du harribitxi horrek.
Gordexolako San Andres Azoka. Iturria: Labayru Fundazioaren Argazki Artxiboa.
Urtero, azaroaren amaieran eta abenduaren hasieran, San Andres azoka dela eta, Gordexola eraldatu egiten da. Molinar plaza, zelaia eta inguruko kaleak karpez, animaliez, artisau-postuez eta eskualdeko eta urrunagotik etorritako jendez betetzen dira. Gordexolako San Andres azoka Enkarterrian ondo errotutako ohitura da.. 1709. urtean dokumentatu bazen ere, haren sustraiak askoz sakonago daude landa munduko memorian.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
[email protected]
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
[email protected]
