Labayru Gaur

Eragintza Fundazioak gaixotasun mentalaren estigmaren aurka lan egiten dau. Alde batetik, buru-gaixotasuna daukien personei gizarteratzen eta laneratzen laguntzen deutsie eta, bestetik, lan-inklusinoaren inguruko aholkularitza emoten deutsee enpresei.

Euskereagaz daukien konpromisoaren erakusgarri, iaz Labyru Fundaziora jo eben, Euskera Plana abian jarteko laguntza eske. Halan, 2024an, alde batetik, Eragintza Fundazioaren euskerearen egoerearen diagnostikoa egin genduan; eta bestetik, euren beharrizanei egokitzen dan euskera plana diseinetan eta plana bera martxan jarten lagundu geuntsen.

Aurten be, gugana jo dabe euskerearen erabilerea lantzen segiduteko asmotan. Horretarako, apirilaren 28an, bilera euki genduan Eragintza Fundazioaren Deustuko egoitzan: itzalaldiak ez eban lortu euskereagazko gure konpromisoa eta gogoa amatetea! Eta halan segidu daigula, Labayruk eta Eragintzak batera urte askotarako.