Labayru Gaur

Durangoko Udalbatzak Gurutzi Arregi herriko ‘alaba adoptibo’ izentetea ebatzi dau. Gurutzi Arregi maiatzaren 6an hil zan, etnografian behar handia eginda. Labayru Fundazioaren sortzailea, Etniker taldeetako kide eta koordinadorea, Gerediaga Elkarteko kidea, Eusko Ikaskuntzakoa… Kultura arloan ibili izan da Gurutzi bizitza osoan, alkarte eta erakundeetan ibilbide luzea eginaz.

Bere lan esparrua herri-erlijinoa izan da batez be. Bizkaiko ermiten katalogoa egin eban lehenengo, eta gero, ermiten tipologia eta ezaugarriak sakon aztertu zituan.

Lemoan jaioa izan arren, ume-umetatik Durangon bizi izan da, eta orain herriak aitortza hori egin gura deutso. Herriko persona hurrekoek eta kulturan zeresana daukienek proposatu deutsie udalari halako aitortza egitea, eta bai onartu be udalbatzak aho batez.

Datorren azaroaren 12an, Gurutziren jaioteguna ospatuaz, pleno berezia egingo dabe haren omenez, izendapena iragarteko.