Hide Dohino gazte japoniarra da, Euskal Herrizalea eta euskalduna. Unibersidadeko doktore tesia egiten dabil, eta hori dala-ta aldian-aldian gure artean izaten da. Euskerea maite dau, horregaitik herririk herri ibilten da lekuan lekuko euskera entzuten eta ikasten. Batez be Oñatin eta Donostian bizi izan da, baina edozein herritakoak garela esanda, atoan kokatzen izan dau.
Urriaren 27an Labayruko Derioko egoitzan egon zan bisitan. Kristina Mardarasen bitartez, hemengo erakunde eta alkarteak ezagutzeko ibilaldian, gure artera hurreratu zan. Interes handia dauka gure historian, gure hizkuntzan eta gure hartu-emonetan.
Japoniara itzultzeko bezperan hurreratu jakun, eta dana gustau jakon: liburutegia, gure argitalpenak, euskerea, ondarea, dana. Udabarrian itzultzeko danez, ordurako hitzordua eginda itxi eban, hainbat liburu hartu gura ditualako irakurteko.
