Labayru Gaur

Horixe da Taupa Euskaltzaleen Mugimenduak irailaren 25ean, Durangon, antolatu eban jardunaldiaren izenburua, “Ohiturak biziberritzen”. Izan bere, komunidade baten parte sentiarazoteko, ezinbestekoa da komunidade horren kultur ondarearen transmisinoa bermatzea; eta hizkuntzagaz batera, ohiturak dira kultura baten adierazle nagusiak. Gai hori jorratzeko arlo askotako adituek parte hartu eben, goiz eta arratsaldeko saioetan; bai hitzaldiak emonez, bai mahai-inguruan parte hartuta. Besteak beste: Aitzpea Leizaola, Kepa Fernández de Larrinoa, Jaime Altuna, Jakoba Errekondo…

Arratsaldeko mahai-inguruan Juan Carlos Etxegoien Xamar, Agurtzane Elordui eta Iñigo Ramírez de Okarizegaz batera, Labayru Fundazioaren izenean Akaitze Kamiruaga izan zan. Mahai-inguruan jorratu eben gaia: Kultur Ondarearen transmisinoa: nola bermatu? Euskal Herri osotik etorritako jente askok parte hartu eban jardunaldietan, Plateruenako aretoa beteta.