Zerbitzuak

Itzulpenak

Itzulpen zerbitzu kalidadekoa eta eraginkorra (gehiago…)

Normalizazio planak

Enpresetan eta administrazinoan euskera erabilteko planak (gehiago…)

Irakaskuntza

Euskera eta euskal kulturako ikastaroak. Euskera teknikari eta Itzultzaile izateko ikastaroak (gehiago…)

Ondarea gizarteratzea

Bizimoduari lotutako ondarea batu, aztertu, landu eta barriro gizarteratu (gehiago…)

Egitasmoak

Izan Labayru!

Labayru Fundazioa euskal hizkuntza eta kultura jagon eta zabaltzeko helburuagaz sortu zan. Zeregin horretan hainbat ekarpen egin ditu, eta aurrerantzean be misino berari eutsi beharra ikusten dau. Horretarako, ezinbestekoa dau gizarteko eragileen laguntasuna.

Labayru Fundazioa

Labayru Fundazioa 1977an sortu zan, euskal kultura ondarea ikertu, bultzatu eta gizarteratzeko asmoaz. Helburu zabal horri erantzun guran, hainbat arlo lantzen ditu, ikerketa edo zabalkunde mailan: irakaskuntza, itzulpengintza, herri-ondarearen bilketa, euskeraren erabileraren normalizazino planak, etnografia, lexikografia…

Kulturgintza guzti horren osogarri garrantzitsua da Euskal Biblioteka, Euskal Herriari eta hizkuntzari jagokezan gaien ondare aberatsa gordeten dauena: liburutegia, hemeroteka, argazki-artxiboa, ikus-entzunezkoak, kartelak eta papergintza mota guztiak (liburuxkak, pegatinak, egutegiak…).

Labayru Gaur

‘Idatz & Mintz’ aldizkariaren 75. zenbakia

0

Idatz & Mintz – Literatur atalen sorta aldizkaria 75. zenbakira heldu da. Berrogei urtetik gorako ibilbidean zenbaki biribila hartu dau oraingoan.

Aurreko aleetako kolaboradoreek parte hartu dabe oraingoan be gehien baten. Hona alea osotzen daben artikuluak: Miren Agur Meaberen “Fabula arrunta”, Lourdes Unzuetaren “Kaiuko bat desegite gunean”, Luigi Anselmiren “Olerkiak”, Galder Urzaaren “Sokatxoa”, Iratxe Ormatza Imatzen “Komikia”, Amaia Iturbideren “Erakusleihoek moldatu gaitzakete”, Jose Mari Kortazarren “Aita Brown Kanalara”, Eneko Urizarren “Zazpi eta bost”, Xabier Bovedaren “Sergei Esenin, Errusiako paradisu galduaren nekazari-poeta”, eta Jabier Kaltzakortaren “’Basajaun eta lamiñak’, 1924ko testu zuberotarra”. (gehiago…)

‘Bilbao’ aldizkarian Labayruren lana goratu

0

Bilbao aldizkaria Bilboko udalak ateraten dau, uriko hainbat barri emonaz, kultura arlokoak batez be. Aurtengo lehenengo zenbakian, urtarrilekoan, Labayruren ganeko artikulu bi datoz.

Batean, 10. orrian, “Transmisioa bermatzeko ahalegina” izenburuagaz, Labayruren jarduerak, lan egiteko arloak, eta gure ibilbide luzean arakatutako esparruen barri emoten da.  Bigarrenean, kontrazalean, Igone Etxebarria zuzendariari egindako alkarrizketa dator, euskerearen egoeraz, etorkizuneko erronkez, eta horri erantzuteko Labayrun egiten dan lanaz diharduela.

Bizkaia Irratian kolaborazinoa

0

Bizkaia Irratian hamabostean behin parte hartzen hasita gagoz etnografia edo herri ondareko gaiei buruz. Oin dala hainbat urte egiten zan moduan, barriro heldu deutsagu parte hartze horri.

Era askotako gaiak erabiliko dira bertan, alde batetik egutegiagaz lotuta datozen ospakizunak, jaiak, ohiturak, urteko zikloak eta abar; eta bestetik, osterantzeko gaiak, kasurako, jateko ohiturak, lanbideakaz lotutakoak, familia eta herri mailan antolatzeko moduakaz lotutakoak eta abar. (gehiago…)