Labayru Gaur

Ikasturtea hasi zanetik euskerako eskolak emoten gabilz Peñascal kooperatibaren zentroetan. Egitasmoa Bilboko Udaleko euskera sailak bultzatutakoa da.

Guztira 15 talde osotu dira, 170 bat ikaslegaz. Ikasleok gehienak gazteak dira, 16 urtetik gorakoak. 10 irakasle dabilz eskola horreek emoten.

Ikasleek ikasketa mota asko egiten dabez: dendaketa, ostalaritza, egurra, elektrizidadea, klimatizazinoa… eta proiektuka ikasten dabe. Garrantzi handia emoten deutsie, ganera, lan kooperatiboari batzuk besteei lagunduz. Euskerako eskolak euren proiektuetan txertatuko dira, beti be ikasten daben arlora zuzenduta.

15 taldeok honetara banatzen dira: 1 Labayruren egoitzan Boluetan emoten da; 4 Montañon daukien egoitzan; eta 10 Boluetan Peñascalek daukan egoitzan.

Talde batzuen ikastaroak urte osokoak dira, eta besteak lehenengo bi hiruhilekoetan emotekoak.

Egitasmo honek beste adar bat izango dau gure lexikografia arloagaz lotuta. Izan be, Peñascalen ikasketa-programa zabala daukie, eta adar bakotxerako hiztegi espezifikoak prestatzeko akordioa egin dogu. Ikasleok lanbidean euskera erabili ahal izateko bitartekoak emotea da helburua, ahozkoak zein idatzizkoak. Beraz, egitasmoaren adar biak horretara bideratuta dagoz.