Labayru Gaur

Sanjuan-bezperea ospatzeko ohiturea zabal egon da gure herrietan, eta orain be badago. Sanjuan-sua da horren adierazgarri nagusia, sugeak, sorginak, zapoak eta txar guztiak erreteko. Suagaz batera, eguzkia, ura edo inontza eta landarak be hainbat erritotan parte ditugu. Urte erdian jausten dan jai honek esangura sinboliko ugaria izan dau gure artean luzaroan.

Gaur egun sanjuan-bezperako suak indar handia hartu dau eta, sugeak eta sorginak erreteko ez bada be, erromeria eta jaia egiteko balio dau, baserrietan ez eze kaleko giroan be. Babes kutsuko erritoak honezkero euren esangurea galtzen doaz. Halanda be, hontxe be hainbat atetan egongo da gaur jarrita sanjuan-haretxa.

Gaur egun, ostera, hainbat lekutan sanjuan-sua mitologiagaz lotzera jo dabe, baita akelarreagaz be. Gure kulturea bizi-bizirik dago, eta aldaketok dira horren erakusgarri.

Halako gaiek urtero-urtero izaten dabe euren tartea hedabideetan, eta aurten be Akaitze Kamiruaga ibili da han eta hemen errito tradizionalen barri zabaltzen irratietan. Hona agerraldiok:

Radio Euskadi: https://guau.eus/m/bostekoa-noche-de-san-juan-con-hogueras-y-recitando-conjuros

Cadena Ser: https://cadenaser.com/audio/1750686000504/