Tag: botaba

0

Ekainean Botabaren ekimen barriari emon geuntsan hasierea Euskal Esamoldeen Unibertsoan bete-betean murgiltzeko. Ordutik hona, hainbat jolas, proba eta erronka bideratu doguz erregistro kolokialean darabilguzan esamoldeak modu ludiko eta dibertigarri baten lantzeko.

Astean-astean proba diferenteak proposatzen doguz irudien, gifen, hieroglifikoen, asmakizunen eta antzeko ariketen bitartez esamoldeen erabilerak erakusteko. Eta hile amaieran, sari ederrak zozkatzen doguz asteko esamoldeari lotutako erronken bidez. Hïka Basque Brand markako kamisetea eta Borobilaren Ertzetik-ek ekimenerako berenberegi diseinautako telazko boltsea izan dira banandu doguzan lehenengoak. (gehiago…)

0

Urteotan egin dogun Botaba! leihaketak aurten itxura barria hartu dau. Martxan da honezkero Instagramen.

Aurtengo egitasmoaren ganeko jakingarri guztiak Ziortza Egurenek azaldu ditu Bizkaia Irratian. Entzun hemen.

Botaba esamoduak zabaltzeko lehiaketa bat da. Ikusi hemen esamoduen hiztegia.

0

Bueltan da beste behin Botaba egitasmoa, aurreko hiru edizinoetako helburu beragaz baina guztiz erabarriturik.

Botaba Erronka esamoldeak gazteen artean zabaltzeko bideo-lehiaketa lez jaio zan orain dala hiru urte Instagramen. Bideo laburretan esamoldeen erabilera irudikatzeko eskatzen zan, eta zein baino zein lan original eta zelebreagoak jaso genduzan parte-hartzaileen aldetik.

Oraingoan, ostera, Euskal Esamoldeen Unibertsoa eratu gura dogu urte osoko ekimen jarraituan. Kalean eta lagunartean darabilguzan esapide kolokialen erabilera modu dibertigarri eta dinamikoan sustatu eta bultzatu gura dogu. Ligetako orduan, parranda-giroan, lagunari adarra joterakoan… adierazkortasunez jarduteko beharrezko baliabideak jolasaren bitartez ezagutarazo gura doguz, parte-hartzaileakazko interakzinoa sustatuz. Eduki didaktikoez gainera, egunean-egunean euskal esamoldeei lotutako erronkak proposatuko deutseguz, euren egunerokoan baliagarriak baizen erabilgarriak izan leitekezan esaldi eginak eskura daiezan. (gehiago…)

0

Dagoeneko heldu da Botaba esamoldeen erronkan lehiatzeko ordua; izan ere, behin “beroketa-fasea” amaituta, parte-hartzaileek azaroaren 4tik 25era arte izango dute aurreko egunetan ikasitako guztia probatzeko aukera.

Hortaz, epe horren barruan aurkeztu beharko dituzte lan guztiak. Esamolde bat edo batzuk aukeratuta, bideo bat grabatu beharko dute lehiakideek, gero Instagramera igotzeko #botaba traola erabilita. Dena dela, Instagramera igotzeko modurik ez duenak botaba@labayru.eus posta elektronikora bidaltzeko aukera izango du. Esamoldeak ondo erabiltzea eta bideoa originala izatea izango dira, besteak beste, sariak banatzeko epaimahaiak kontuan hartuko dituen ezaugarrietako batzuk. (gehiago…)