Tag: Etniker

0

Apuntes de Etnografía deritxan blogean gai barriak argitaratzen hasi gara irailagaz batera. Udako oporrak joanda, astero-astero, barikuetan, egiten dogun etnografia zabaltzeari ekin deutsagu barriro.

Ia hiru urte dira honezkero artikuluak astero argitara emoten dirana. Era askotako gaiak lantzen dira bertan, beti be modu dibulgatiboan, gure herri-jakintza ahalik eta gehien hedatzeko.

Gaztelaniaz eta ingelesez idazten da, eta sarean ikusi ezeze, harpidetu eta apunteok email bidez jasoteko bidea be badago. Iraileko lehenengo artikuluak “Medios de transporte en el caserío” dauka izenburua, eta Segundo Oar-Artetak sinatuta dator; Jaione Bilbaok ingeleseratu dau hau, “Means of transport on the farm“, baita aurrekoak be.

0

Otsailaren 14an Bilboko BBK Gelan aurkeztu da Euskal Herriko Atlas Etnografikoaren zortzigarren alea, Agricultura en Vasconia. Hasteko Gorka Martínez BBK Fundazioko zuzendariak hartu dau hitza, harrera egiteko eta eskertzeko euren etxean egitea ekitaldia. (gehiago…)

0

Etniker Bizkaia etnografiako aldizkariaren 17. zenbakia argitaratu barri da, Labayru Fundazioko Etnografia arloko ikerketak zabaltzeko argitalpena. Bertan, saileko eta Etniker Bizkaia Taldeko kideen lanez ganera, inguruko beste ikertzaile batzuen lanak be agertzen dira. (gehiago…)

0

Etniker Euskalerria Taldeek urteko batzarra egin dabe urriaren 28an Saran (Lapurdi). Izan be, aurten Iparraldeko taldearen txandea izan da batzarra antolatzeko. (gehiago…)

0
Etniker Euskalerriko zuzendaritza-batzordea Labayru Fundazioan. Derio, 1995. Aurre-aurrean, Miren Goñi.

Miren Arantzazu Goñi Auzmendi, Mirentxu etxeko eta hurrekoentzat, Tolosan jaio zan (1925) eta Bergaran hil barri da (2017).

Ahiztea, Karmele Goñi, etnografoa ebala-ta, don Jose Miguel de Barandiaranegaz hartu-emonean jarri eta holan sartu zan bera be etnografiaren munduan. Josu Oregigaz ezkondu zanean Bergarara joan ziran biziten, eta Mirenek Elosua auzoko ohiturak eta bizimodua batzeari ekin eutsan. (gehiago…)

0
Barandiaran Sara Etxean. Ataun, 1987. Ángel Alonso. Labayru Fundazioko Argazki Artxiboa.

Abenduaren 21ean José Miguel de Barandiaranen heriotzaren 25. urteurrena bete zan. Etniker Taldeetan (José Miguelek berak sortutako izena, ‘etnografiako ikerketa’ esateko) etnografian jarduten dogunok esker oneko zorra daukagu beragaz. Taldeok sortu ezeze, disziplina bera guztiz aldatu eban, ordura arte ikuspegi erromantiko eta mugatuan landu zan eta. Barandiaranek ikuspuntu barria emon eutsan etnografiari, zientziaren ikuspegia, metodo sistematikoa ezarri, eta batez be, pentsakera guztiz zabalean oinarrituta. Halan jarri eban gure kultura Europakoaren barruan. (gehiago…)

0

Etniker Euskalerria taldeek aurtengo batzarra Beran (Nafarroa) egin dabe, urriaren 1ean, Etniker-Nafarroako taldeari egokitu jakolako aurtengoa eratutea. Etniker taldeak bost dira, lurraldeka honetara banatuta: Etniker-Araba, Etniker-Bizkaia, Etniker-Gipuzkoa, Etniker-Iparralde eta Etniker-Nafarroa.

Taldeotako 22 kide Berako kulturetxean batu ziran goizeko 11:00etan, Ander Manterola, Atlas Etnográfico de Vasconia egitasmoaren zuzendaria, buru dala. Beragaz batera egon ziran mahaian Gurutzi Arregi, Atlaseko idazkaria, eta lurraldeetako idazkariak: Monserrat Ocio (Etniker-Araba), Luisma Peña (Etniker-Bizkaia), Michel Duvert (Etniker-Iparralde) eta Naiara Ardanaz (Etniker-Nafarroa).

Gai-ordenari jarraituta, iaz Moredan egindako batzarreko akta irakurri eta onartu zan eta idazkariek lurralde bakotxean egindako lanen barri emon eben. Nekazaritzari jagokon Atlaseko aleari buruz, maketatzen dabizala aurreratu, eta atalen aurkibidea banandu jaken batzartutako guztiei. Horregaz batera, zuzendariak hurrengo alerako eskema be banandu eban, jai-egutegia eta herri-erlijinoa gaiei jagokena. Amaitzeko, taldeetako kideek egindako argitalpen eta artikuluen barri emon zan.

Besteak beste, David Mariezkurrena Nafarroako Cuadernos de Etnología y Etnografíako zuzendari barria dala iragarri zan. Etniker Bizkaiako arduradunek, aldizkaria aurrerantzean Etniker izango dala aurreratu eben, eta zabalik dagoala lurralde guztietako  kolaboradoreentzat. Horrez ganera, Etnografiako blogerako jente gehiagok parte hartzea komeni dala gogoratu eben.

Batzarraren ostean kide guztiak herriko dolara bat ikusten joan ziran eta bertan bazkaldu eben gero. Arrastian, Julio Cario Barojaren eta familiaren hilobiak eta Itzea etxea ikusi ebezan.

Datorren urteko batzarra  antolatzea Etniker-Iparraldeko taldeari jagoko, eta Michel Duverten proposamenari ondo eretxita, Donibane Lohitzunen egitea erabagi zan. Etniker taldeen 40. urteurrena izango danez, ikertzailerik beteranoenak omenduko dira: Ander Manterola, Gurutzi Arregi, Josetxo Zufiaurre, José Antonio González Salazar eta Juan Cruz Labeaga.

0
Enrique Aramburu, Ander Manterola, Naiara Ardanaz, Anton Erkoreka.

Maiatzaren 24an, Labayru Fundaziora bisitan etorri dira Naiara Ardanaz, Nafarroako Unibersidadeko Euskal Hizkuntza eta Kultura Katedraren arduraduna eta Etniker-Nafarroako burua; Anton Erkoreka, Euskal Herriko Unibersidadeko Medikuntzaren Goti Museoaren zuzendaria eta Etniker Bizkaia taldeko kidea; eta Enrique Aramburu, botikaria eta Plentziako Farmazia-Museoaren arduraduna. Bisitaldi horretan, Euskal Biblioteka ikusi eben, lan-batzarra egiteaz ganera.

0

Anuario de Eusko-Folklore aldizkariaren 50. zenbakia argitaratu barri da. Bertan Etniker Euskalerria taldeen lanak jasoten dira, Labayru Fundazioak prestau eta José Miguel de Barandiaran Fundazioak argitaratuta. (gehiago…)