Tag: Euskal Biblioteka

0

Bilboko La Salle ikastetxeko liburutegitik euskal gaiaz euki dabezan liburuak ekarri ditugu Euskal Bibliotekara. Jon Elorriaga liburuzainak azaltzen dau ekarpen horretan zer dan garrantzitsuena.

0

 

Alberto Onaindia zanaren funtsa Labayruko Euskal Bibliotekan dago aspalditik. Orain haren lobeak, Miren Onaindiak, etxean aurkitutako beste material batzuk emon ditu.

Miren Onaindia

0

Egunotan dohaintza bat hartu dogu gure Euskal Bibliotekan. José Antonio Aranburuk, Busturialdean eta Lea-Artibai inguruan Natxi ezizenagaz ezagunagoa danak, gure artxiboaren esku itxi dau 60 karteleko bilduma, Luis Angel Gainzaren bitartez. Bilduma horretan azken berrogei urteetako kartelak dagoz, gehien baten bertsolaritzagaz lotutakoak (bertso-saioak eta omenaldiak) eta herrietako jaietakoak. Batzuk inprentan aterata dagoz, eta baliteke beste nonbaiten kopiaren bat egotea, baina beste batzuk eskuz egindakoak dira, kopia bakarrekoak.

Kartel horreek katalogau, eskaneau eta gorde egingo dira Euskal Bibliotekak horretarako daukan fondoan. Honezkero 70.000 baino gehiago dira guztira.

0
Liburuzainak Ubiden.

Martiaren 16an, Labayru Fundazioko Euskal Bibliotekako laguntzaile taldea Ollerietako Zeramika museora bisitea egin genduan. Hango zuzendariak, Blanka Gómez de Segurak, erakustaldi praktikoa egin euskun jarro bat eta potiza bertan eginda. Horrez ganera museoa erakutsi eta hango piezen jatorria azaldu euskun. (gehiago…)

0

Azaroaren 9, UPV/EHUko Arte Ederren Fakultadeko Enara Artetxe, Jose Antonio Morlesín eta Javier Díezen bisitea izan genduan Labayru Fundazioaren Derioko egoitzan. Jon Elorriagak eta Igone Etxebarriak Euskal Bibliotekako fondoak zeintzuk diran eta zertarako erabilten diran azaldu eutseen.

Ostean, Idoia Tolosak eta Ziortza Artabek Fundazioak daukazan kartelak erakusteaz gainera, aurrerantzean, eurok oinarri hartuta, Unibertsitateak eta Labayru Fundazioak alkarregaz egin leikiezan egitasmoen gainean jardun eben berbetan.

0
Artxiboetako laguntzaileak Ubiden

Ubiden alkartu dira Lazkaoko Beneditarren Fundazioko, Sancho el Sabioko eta Labayru Fundazioko artxiboen arduradunak eta euren laguntzaileak. Hiru artxiboen arteko hartu-emona aspaldikoa da, trukea egiten dabe eta kezka barditsuei aurre egin behar izan deutsie.

Lazkaotik Aita Juan Jose Agirre eta Miren Barandiaran, Sancho el Sabiotik Carmen Gomez, Jesus Zubiaga eta Txaro Martínez, eta Labayrutik Ander Manterola eta Jon Elorriaga egon dira.

Eurakaz batera, Labayruko Euskal Bibliotekan laguntzen jarduten dabenak, beste bientzat be materiala hornitzen dabe eta. Guztira 25 lagun batu dira, harmonian eta giro onean.

Laguntzaile-talde sano behargina eta eragina da eta merezi dabe holango oparia.

0
Ander Manterola, Pantxoa Etxegoin, Jon Elorriaga, Luis Angel Gainza.

Abenduaren 22an Pantxoa Etxegoin Euskal Kultur Erakundearen (EKE) zuzendariak bisita egin dau Labayruko Euskal Bibliotekara.

EKE erakunde publiko bat da, Uztaritzen egoitza daukana. Bere helburua Iparraldean euskal kultura ikertu eta zabaltzea da.

Luis Angel Gainza kolaboradorearean bitartez etorri da Etxegoin, hemendik aldizkari eta liburu batzuk euren liburutegirako eroateko. Horreekaz batera gure argitalpenak be eroan ditu, euskereagaz lotutakoak batez be.

Euskal Kultur Erakundeak Uztaritzeko egoitzan liburutegia dauka ikertzaileentzat; horregaitik, gure Euskal Bibliotekagaz materialen trukerako hartu-emona dauka, eta oso eretxi ona hartu deutso.

0
San Martin familia Derion liburuzaingaz.

San Martin familiako kideak Derioko Euskal Bibliotekara bisitan etorri dira irailaren 9an. Jose Mari Argoitia zanaren senideek Labayru Fundaziora bideratu dabez haren ondasunetako batzuk, kultura-gaietako liburu, disko eta bideoak gehien baten. Helburua da ez daitezala galdu; horregaitik, Euskal Bibliotekari eretxi deutsie gordailu egokia, katea eten barik, beste batzuen eskura geratu daitezan.

Jose Mari Argoitia (Ondarroa 1958-Loiu 2016) kazetari moduan behar egin eban EITBn, batez be kultura eta musikako saioetan. Horrez ganera, oso ezaguna zan kulturako arloetan, kantari oso ezagunen kantuen sortzailea, kultur ekintzen eragile… Bere jakituria eta jakinmina neurri bakoak ziran, eta horren erakusle dira etxean zituan liburu, disko, bideo, aldizkari eta euskarri guztietako argitalpenak.

Ondorengoek horreek Labayru Fundazioaren esku jarri ditue, eta honek apurka-apurka bere katalogoan txertatuko ditu, gura dauenak konsultea eskura euki daian.

0
Ander Manterola, Jon Elorriaga, Mikel Bilbao, Luis Angel Gainza.

Apirilaren 21ean Mikel Bilbao, Euskal Herriko Unibertsitateko Arte eta Musika Saileko irakaslea, bisitan egon da Labayruko Euskal Bibliotekan.

Mikel Bilbao Arte Eder Museoak 2015eko urrian zabaldu eban “Hormako mezuak. Bilboko Arte Ederren Museoaren Bildumako kartelak (1886-1975)” erakusketako komisarioa izan da. Horretan da aitua bera, kartelgintza dau doktore-tesirako gaia be.

Gure Liburutegian kartelak ikusteko etorri da, izan be, 80.000 kartel inguruko fondoa daukagu, batzuk berak ezagutzen ez zituanak be. Oso irudi ona hartu dau, bai batzuen balio artistikoagaitik bai kopuruagaitik

0
EuskoTrenegaz kontratua sinatzen, 2004an.

Zaha Hadiden heriotza ezustean etorri da martiaren akabu honetan. Hori dala-ta, Euskal Herriagaz euki dauen hartu-emona gogoan dala, hedabideetan hainbat aitamen ikusi dogu. Izan be, Zorrotzaurren eta Durangon egitasmo potoloak euki ditu egiteko, hirigintza aldetik eragin handikoak. Hartu-emon horreen lekukotasuna han eta hemen dago, baita gure artxiboan be.

Rafael Batarritak Labayru Fundazioari emondako fondoan era askotako bideo-grabazinoak dagoz, tartean Zaha Hadidek gure artean egindako ekitaldienak. Guztira hiru bat orduko bideo-grabazinoak dira, eta argazkiak; Durangoko egitasmoa dala-ta, berak emondako hitzaldia eta EuskoTrenegaz egindako hitzarmena sinatzen besteak beste.

Ikusi bideoa.