Tag: euskera

0

Aurtengo Labayruko udako ikastaroetan izena emoteko epea zabalik dago. Hamabostaldi bitan egongo dira ikastaroak, bagilaren 19tik garagarrilaren 1era eta garagarrilaren 3tik 15era bitartean. Aste bi egun osoz.

Ikastaro mota asko egin daitekez: euskera ikasteko maila guztiak, EGA azterketarako prestetakoa, eta beste bereziago batzuk: bizkaiera lantzeko, teknikarako eta itzulpengintzakoa.

Argibideak.

0
Eguzki Labayrun ahotsa grabetan.

Jesus Eguzkiza Eguzki ibilbide luzea egindakoa dogu euskalgintzan eta euskerearen inguruan. Apirilaren 23an Berria egunkarian alkarrizketa luzea argitaratu dabe beragaz. Gogoeta interesgarriak egiten ditu euskerearen iraganaz eta etorkizunaz, bere esperientzia oinarri hartuta.
 (gehiago…)

0

Ikasturte honetarako Labayru Fundazioak euskera ikasteko edo lantzeko eskaintza zabala dakar. Euskalduntze eta alfabetatze ikastaroak, agiriak aterateko azterketak prestetakoak, nahiz ikastaro bereziagoak: itzulpengintza, kultura-gaiak, bizkaiera, mintzamena…

Berezienen artean dagoz HABEko 4. maila prestetako ikastaroa, eta EGA ateratekoa. Izan be, Labayru bera aztertzailea da eta bertan egin daiteke azterketa.

Ordutegi aldetik be, aukera zabala dago, goiz eta arrasti, ikastaro trinko zein urte osokoak.

Eta enpresei begira, esperientzia handia daukagu bakotxaren beharlekuan bertan emoten eskolak.

Euskera eskolak 2016-17

Eskolen egutegia 2016-17

0

Igaro dan abuztuaren 10ean joan jakun gure artetik Juan Zelaia (Oñati, 1920-2016) enpresagizon eta euskal ongile handia, 96 urtera ailegatu hurren (abuztuaren 29an jaioa zan), bizitza luze bizi eragin eta emoitsu baten ondorik. Juanito esaten eutsen etxekotasunez lagun eta ezagun hurrekoek.

Aspalditxuon ez geunkan haren barri handirik, baina badakigu geldi egon ez dana, harik eta osasunak lagundu deutsan arte. Burua argi azkeneraino. Osasunez be oraintsura arte ondo antzean. Osasun arazo txikiren bat zalako bat korapilatu jakon azkenean eta halantxe ustekabean alde egin deusku. (gehiago…)

0

Irontec enpresak garatu dau Labayru Hiztegia sarean jartzeko lana, eta baita be mugikorretarako aplikazinoa. Hori dala-ta, alkarrizketa egin deutsie Onda Vasca irratian.

Alkarrizketa entzuteko sakatu hemen.

0

Uztailaren 8an amaitu da Udako bigarren Ikastaro trinkoa. Hamabost eguneko txanda bitan egin dira aurten be Udako Ikastaroak.

Ikasleak gehien baten gazteak dira, gero EGA azterketa egin gura dabenak. Aurten, ganera, iaz baino gehiago izan dira, %20 gehiago.

Orain ikasketei amaiera emoteko, 3. maila bete daben ikasleek EGA azterketa egin ahal izango dabe hil honen 12 eta 14an Labayrun bertan.

0

‘Kili-Kili’ri buruzko erakusketa ikusgai dago ondino Euskal Museoan Bilbon. Gai hori hartuta alkarrizketa egin deutsie Akaitze Kamiruagari Hiruka aldizkarian maiatzaren lehenengo hamabostaldiko 58. zenbakian.

 

0
Jesus Eguzkiza, Lorea Bilbao, Asier Astigarraga

Apirilaren 21ean Kili-Kiliri buruz hitzaldia egin dogu Euskal Museoan, gai beraren ganeko erakusketaren atxakian. Hiru hizlarik parte hartu dabe: Jesus Eguzkiza Eguzkik, Asier Astigarragak eta Lorea Bilbaok.

Helburua zan bakotxak Kili-Kiligaz euki dauen esperientzian oinarrituta, hari buruzko ikuspegia zabaldu eta osotutea. Eta halan izan da. (gehiago…)

0

Apirilaren 21ean, arrastiko 7retan, “Kili-Kili barru-barrutik” izeneko hitzaldia egingo dabe Jesus Eguzkiza Eguzkik, Asier Astigarragak eta Lorea Bilbaok.

Euskal Museoan “Kili-Kili. Euskera pozgarri” izeneko erakusketa dago ekainera arte ikusgai. Hitzaldia haren osagarri izango da.

Hiru hizlari izango dira, hirurak Kili-Kilin buru-belarri ibilitakoak, baina garai eta zeregin ezbardinetan. (gehiago…)

0
Igone Etxebarria, Jesus Eguzkiza, Igotz Gallastegi eta Akaitze Kamiruaga, erakusketaren inaugurazinoan.

Bizkaie! aldizkari digitalak alkarrizketa luzea argitaratu dau Jesus Eguzkiza Eguzkiri eginda, Kili-Kiliri buruz. Eguzkik Kili-Kiliren sorreran bete-betean parte hartu eban. Eta ez sorreran bakarrik, gerora be Kili-irratia berak egiten eban. Luzaroko hartuemona euki dau Retolazagaz eta Kili-Kiligaz, eta horren barri emoten dau alkarrizketa honetan.

Alkarrizketa.

Horrez ganera, Kili-Kiliri buruzko erakusketaren barri beste hedabide honeetan be emon dabe.

Deia egunkarian.

Euskadi Irratian alkarrizketa.

Berria egunkarian.