Tag: herri ondarea

0

Joan dan eguenean, hilaren 18an, aurkeztu zan Altamirako Kultur Etxean Busturiko emakumeak bizitzaren ardatzean izeneko bideoa. Ikusentzunezko honetan, Europako Ondare Jardunaldietarako aukeratutako gaia landu da: Ondarea emakumeen emaria. Herriko andrazkoen testigantzak erabilita, Busturian XX. gizaldian emakumezkoek euki daben bizimodua eta eguneroko zereginetan izan daben garrantzia erakusten da. Aparteko garrantzia emon jake kasu honetan eurak egindako lan desbardinei. (gehiago…)

0

Urrian zehar, hile osoan, Ondarearen Europako Jardunaldiak egiten dira Bizkaiko lurralde osoan zehar. Herri, alkarte eta erakunde askok eta askok eratu dabez ekitaldiak eta jarduerak programa horren barruan. Aurtengo gai nagusia: Ondarea, Emakumeen emaria.

Labayru Fundazioa be parte da programa horretan, eta hilaren 17rako hitzaldi bat eratu dau. Gaia: Emakumeak euskal baladetan; hizlaria: Jabier Kalzakorta. Non: Labayruren Derioko egoitza, Seminarioko eraikinean, arrastiko 6retan. (gehiago…)

0

Aurten be Bizkaiko Foru Aldundiak Ondarearen Europako Jardunaldiak eratu ditu, urrirako programa zabala antolatuta. Aurtengo gaia “Ondarea, emakumeen emaria” jarri dabe, ondarearen transmisinoan eta ondarea jagoten andrazkoen balioa goratuteko helburuagaz. (gehiago…)

0

Labayru Fundazioaren proiektuetariko bat, aurten, Gatikako Udalarentzako baserrien katalogoa sortzea izango da. Horretarako, hasteko, hainbat datu-base hustu doguz; besteak beste, Fogueraciones de Bizkaia del siglo XVIII liburua eta Bizkaiko Foru Agiritegi Historikoko 1825-1830ko Polizien Erroldak eta Archivo Municipal de Gatika. Horreen hustuketeari Udalaren zerrendea eta Eusko Jaurlaritzak daukan datu-basea gehitu jakoz.

Momentu honetan, jasotako informazinoa lekukoakaz kontrastetan gabilz. Grabazinoen bidez lekukoek baserriak izentetako ahoz erabilten dabezan formak lortuko doguz, sarritan idatzizkotik asko aldentzen direnak. Informanteei batutakoa be lagungarria izango da katalogoa osotzeko.

Argitalpenean, baserriei buruzko informazinoaz gainera, bakotxaren argazkia gehituko da.

0

Apirilaren 13an, Altamirako Kultur Etxean, Busturi ipuinetakoa dirudi izeneko bideoa aurkeztu zan. Ikusentzunezko honetan Busturian XIX. mendean, gitxi gorabehera hogei urtez (1842-1862) martxan egon zan zeramika fabrikeari buruzkoak azaltzen dira: testuinguru historiko-ekonomikoa, fabrikearen sortzaileak, ekoizten ebezan produktuen ezaugarriak, eta Busturiko zeramikak Uzelai pintoreagaz izan eban loturea, besteak beste. (gehiago…)

0

Azken urteetan Areatzako udalagaz batera jardun dogu herriko toponimia batzen eta zabaltzen. Egitasmo horrek pauso bat baino gehiago euki dau, artxiboetako informazinoa batu lehenengo eta ahozko lekukotasunak gero.

Batutako horren erakusgarri bat herrian bertan aurkeztu zan abenduaren amaieran. Hemen ikusgai.

0

Joan dan abenduaren 28an, Areatzako Udaleko aretoan, herrian egin dan toponimia ikerketaren aurkezpena egin zan. Lan hori aurreko urtean hasi zan artxiboetako araketa bibliografikoa eginda. Aurten artxiboetatik lortutako toponimoen zerrendea herriko lekukoekin kontrastau da, ahozko grabazinoen bidez. Guztira hogeta hamar ordu batu dira, eta bederatzi lekukok hartu dabe parte. Toponimoen gainekoak ezeze, herriko ondareari buruzko informazino ugari eta aberatsa batu da. Besteak beste: artzain eta ikazginen bizimodua, baso-lanak, herriko bizimodua, balnearioa eta beraneanteak… (gehiago…)

0

Abenduaren 2an, Euskerearen Egunaren bezperan, Arratzun urtean zehar egindako beharra aurkeztu dogu. Aurten herriko bost barri-emoileri grabazinoak egin deutseguz herriko bizimoduari buruz. Hortik aukeratutako 50 bideo-txatal argitaratu dira herriondarea.eus webgunean, eta aldi berean, herrian aurkeztu da lan horren emaitza.

Bost persona horreek kontalari itzelak suertau jakuz, herriko eta euren bizitzako hainbat kontu bizi-bizi azaldu deuskuez, euskera ugari-aberatsa erabiliz. Emaitza zoragarria da, eta interesgarria guztiz atzetik datozan belaunaldientzat.

Ekitaldian bideo-txatalakaz egindako dokumentala erakutsi zan, eta Udalak barri-emoile guztiei oroigarria emon eutsien.

Udaleko Izaskun Urkiagagaz batera Labayruko ordezkariak egon ziran, Adolfo Arejita eta Igone Etxebarria.

Ikusi bideoa.

0

Derio: zoriaren habia bideoa egin dogu aurten, Udalaren aginduz, eta Bizkaiko Foru Aldundiak eratzen dituan Ondarearen Europako Jardunaldien egitarauaren barruan Derion aurkeztu zan urriak 26an.

Aurten, jardunaldietako gaia Paisaia bizia: Bizkaiko paisaien eraikuntza izan da. Horregaitik bideo honetan herrian, paisaiaren aldetik eragin handiena izan daben guneak eta eraikuntzak aztertu dira: San Migel auzoa, Bilboko kanposantua, Ganbe inguruko Doneztebe ermitea, Errekaldeko mahastiak, Seminarioa eta Parke Teknologikoa besteak beste. (gehiago…)

0
Jasone Agirre, batzordeburua, Akaitze Kamiruaga eta Igone Etxebarria.

Urriaren 24an Akaitze Kamiruagak eta Igone Etxebarriak agerraldia egin daebe Gasteizko Eusko Legebiltzarrean, Euskal Kultura Ondarearen Lege Proiektua dala-ta. Lege horrek, besteak beste, Labayru Fundazioko Etnografia Sailak ia berrogeta hamar urtean lantzen dabilen ondare immateriala kudeatuko dau. (gehiago…)