Tag: herri ondarea

0
Akaitze Kamiruaga Markinan

Aratusteak joan dira, baina gaur egun Garizuma hasita gero be oihartzunak jarraitu egiten dau.

Barikuan, martiaren 10ean, Markinako Garaian alkarteak eratuta emon eban Akaitze Kamiruagak hitzaldia Bizkaiko aratusteei buruz Uhagon kulturunean.

Bizkaian hainbat herritan egiten dira Aratuste bereziak, tartean Markinan bertan. Herriko bereizgarriak Hartza, edo bertan esaten deutsien moduan ‘Otsoa’, eta eguneko zahagi-dantza dira. Baina guk geure-geuretzat ditugun ezaugarriok beste leku askotan be antzeko itxuran agertzen dira.

Hori dana aitatu dau Akaitzek hitzaldian eta bai gustura hartu be bertara hurreratu diranak.

0

Abenduaren 22an aurkeztu dogu Zamudioko Kultur Etxean, Geureak bildumako seigarren alea, Zamudio: bizimodua eta ohiturak liburua. Bertan batu dira egitasmoan parte hartu daben lekukoak, udaleko ordezkariak, Lagatzu Euskera Taldeko kideak eta Labayru Fundaziokoak.

Egitasmo hau 2013an egin zan ikerketa etnografikoaren bigarren emaitza dogu. Bertan hamar kapitulutan banatuta Zamudioko herri ondare etnografikoa eta linguistikoa batu dira. Kasu honetan, kapitulu bakotxaren amaieran laburpena dago, bai gazteleraz eta bai ingelesez.

Lana burutzeko 30 lekuko aukeratu eta 60 orduko bideo-grabazinoak egin ziran herrian. Informanteek emondako testigantzetan oinarrituta dago lan hau, euren bizipenak eta euren oroitzapenak dira liburuaren mamina. Azken baten XX. mendean Zamudiok egin dauan bilakaerea azaltzen da. Tarte horretan gizarteak eta herriak berak aldaketa itzelak ezagutu ditu, eta guzti horreen testigu izan dira gure lekukoak.

Lan honek Zamudioko lehena, oraina eta geroa batzen ditu, herri jakituriaren transmisinoari bidea emonez.

0

Aurten Galdakaoko Udalarentzat liburuxka bi egin ditugu, aurretik egindako bideo banatan oinarrituta. Bakotxean herritik egiteko ibilbide bat erakusten da: Elexalde ingurutik bata, Bekea-Arteta-Usansolo inguruetatik bestea.

Abenduaren 17an, herriko liburu-azokako egitarauaren barruan, liburuxka bien aurkezpena egin eban Igone Etxebarriak. Zuztarretatik ahora egitasmo orokorrean, urtero-urtero ekintzaren bat egiten da, eta aurten argitalpen bi horreek izan dira egitasmorako ekarpena.

Liburuxka bakotxean ibilbide bat erakusten da: mapa, jakingarriak, argazkiak, informazino orokorra… Edozeinek herria ezagutu ahal izan dagian eta baita be ibilbidea egin ahal izateko.

Errupin Jauregi zinegotziak eskerrak emon eta bertaratutakoei banatu egin eutsezan.

0

Joan dan barikuan, abenduaren 16an, Berriatuko Kultur Etxeko aretoan, herriko lanbide zaharren gaineko bideoa aurkeztu genduan.

Horretarako lehenengo berriatuarren artean lanbide desbardinetan ibili izan diran lekukoen testigantzak jaso doguz, guztira 30 orduko grabazinoak egin dira. Lekukoen artean errementariak, perratzaileak, arotzak, fundizino lanetan ibilitakoak, idi-probetako arlokoak, joskileak, etab. izan dira. Lanbideok, edo lanbiodetan jarduteko era batzuk behintzat, galtzen doaz. Horregaitik, oso garrantzitsua da oraintsura arte beharren ekin deutsienen lekukotasunak hartzea, informazinoa emoteko protagonisten ahotik zuzen-zuzenean.

Bideoa egitasmo honetako lehenengo emaitza da. Ordu erdiko emonaldian batutako informazinoaren ale hautu batzuk erakutsi dira.

Egitasmo hau Goikolau Kultur Elkarteak sustatutakoa da, Berriatuko Udalaren, Cicautxo enpresaren, eta Bizkaiko Foru Aldundiaren laguntasunagaz.

Bertan alkartu ziran Goikolau Kultur Elkarteko kide ugari, Julene Garate zinegotzia eta Labayru Fundazioaren izenean Adolfo Arejita eta Akaitze Kamiruaga.

0

Arratzun urtean zehar herriko hamaika lagunen testigantzak batu ditugu, eurei alkarrizketak egin eta bideoan grabauta. Berbagaiak bizimoduko gorabehera guztiak: herria, auzoak, ermitak eta errotak, erreka-basoak, baserriak, bizimodua, lanbideak, jatekoak, jaztekoak, eskola, olgetak, gaztezaroko ibilerak, jaiotza-heriotzakoak, jaiak eta ospakizunak, gerra denporakoak…

Aurtengo egitekoa grabazinoak eurak egitea izan da, informazinoa batzea, gerora horren zabalkundea era batera edo bestera egiteko. Ha ta guzti be, batutako horren erakusgarri bat herrian aurkeztu zan abenduaren 3an. Aretoa bete egin zan herriaren deiari erantzunez eta bideoak harrera oso ona euki eban. Ikusi hemen.

Ostean lekukoei oparitxu bana emon, argazkia egin eta kopau baten inguruan beste hainbat eta hainbat kontu agertu ziran. Alkateak datorren urtean egitasmoari jarraipena emoteko borondatea agertu eban; halan da ze, datorren urtera arte!

0

Euskararen egunaren bezperan aurkeztu zan Laukizko Goiko Tabernan  “Dana emon bihar jako maite dan askatasunari (Lauaxeta)” ondare ibilbidea.

Ekitaldian besteak beste, Salvador Artaza alkatea eta María Fernández euskera teknikaria izan ziran, eta Labayru Fundaziotik Adolfo Arejita eta Akaitze Kamiruaga. (gehiago…)

0

Abenduaren batean, euskerearen egunaren ospakizunakaz batera, aurkeztu zan Sopelako Kurtzio Kultur Etxean Sopelari buruzko ondare ibilbidea: Sopela: ikusiago eta maiteago, itsasoz eta lehorrez.

Bertan alkartu ziran Udaleko ordezkariak: Leire Basauri zinegotzia eta Aitzol Riol euskera teknikaria; bideoan parte hartu daben lekukoak: Bene Markaida eta Juanita Garai; eta Labayru Fundazioaren izenean Adolfo Arejita eta Akaitze Kamiruaga. (gehiago…)

0

Abenduaren 3an, San Frantzisko Xabierkoaren egunean, Euskeraren Nazioarteko Eguna ospatzen dogu euskaldunok. Gaur egun, jai horren inguruan, alkarte eta erakunde gehienek eratuten dabez ekitaldiak.

Labayrun be badaukagu zer ospatu. Bizkaiko Foru Aldundiak Euskeraren Eguneko jardueren artean, Lauaxeta Saria emoten dau; aurten sarietako bat “Bizkaiko euskaltegiak” taldearentzat da, eta hor gagoz geu be. Saria abenduaren 2ko ekitaldian emongo dabe.

Horrez ganera, Labayrun Bizkaiko hainbat udalentzat egiten ditugu lanak, eta udalok egun horretako ospakizunak aprobetxetan dabez lanok herritarrei erakusteko. Hori dala-ta, abenduaren 1ean Sopelan “Sopela, ikusiago eta maiteago, itsasoz eta lehorrez” izeneko bideoa aurkeztuko da; hilaren 2an Laukizen “Laukiz. Dana emon bihar jako maite dan askatasunari” bideoa; 3an Arratzun han egindako ondarearen bilketa.

0
San Martin, Ereño, Bedia.

Bediako kultur ondarea zabaltzeko beste bideo bat egin dogu Labayrun, “Mandoiako jentilak” izenekoa. Ibilbide baten bitartez, Eroso-Ugarteko Tosubando torretxea, Ereño auzoa eta Mandoia mendiari buruz hainbat jakingarri zabaltzen dira. Lehenagoko bizimodua, etxeen izenak, mendi-tontorrak, jaiak eta ospakizunak… hori dana erakusten da bideoan.

Baina ez lur ganekoa bakarrik, azpikoa be kontuan hartu da. Izan be, inguru horretan guztian burdina dago eta lehenagoko haizeolen hondarrak hainbat lekutan dagoz.

San Martin ospatzen da Ereñon; hori dala-ta, azaroaren 12an, ermitan bertan ikusi ahal izan eben bideoa bertara hurreratutakoek. Aurrerantzean, Labayru Fundazioko Youtube kanalean, zein Bediako Udaleko webgunean ikusgai egongo da.

Urtero Martin Atutxaren omenez egiten dan mendi-martxako bideagaz bat dator bideoan jasotakoa. Lehena eta oraina bat eginda, gerora begira.

0

Etxebarri Bilbo ondoan dago, horregaitik beharbada, XX. mendean industrializazinoaren eragina indartsu be indartsu bizi izan eban. Urte gitxian aldaketa handia egin dauen herria da. Horregaz konturatuta, Udalaren aginduz, “Etxebarri: Kukuzaharretik Kukutxora” izeneko bideoa egin dogu.

Ikusi bideoa(gehiago…)