Tag: Ondarea

0
Pedro Mari Goikoetxea, Mari eta Encarna Catalan, Akaitze Kamiruaga.

Herri Ondarearen Atalean egiten ditugun egitasmoen artean, euskaldun ezezagunen bizitza-istorioak batzen jarraitzen dogu. Oraingo honetan, Pedro Mari Goikoetxeagaz batera, Donostian izan gara eta Encarnación Cataláneri egin deutsagu alkarrizketa.

Encarna, Donostiako Antiguo auzoan jaio zan 1924an. Gerrea etorri zanean, 1937an, hamahiru urte egiteko zala, Santurtzitik itsasontzian urten eta beste makinatxu bat umegaz batera, Errusiara joan zan erbesteratuta. Zoritxarrez, hasieran hiru hilabeterako zan bidaia, hogei urtez luzatu zan.

Denpora-tarte horretan bizipen latzak bizi izan zituan, Bigarren Mundu Gerrea besteak beste. Baina beste alde batetik, umetan amestu bako bizimodua euki eban: goi mailako ikasketak egin, geografia irakaslea izan, eguraldi eta atmosfera kontuak ikertu…

Edozelan bere, ez eban inoz Euskal Herrira bueltetako esperantzea galdu. Encarna, plazer eta suerte itzela izan da zu ezagutzeko aukera euki izana. Guztiontzako eredua zara.

0

Aurten be urrian Ondarearen Europako Jardunaldiak egingo dira Bizkaia osoan. Aurtengo gaia hau da: ‘Paisaia bizia. La construcción de los paisajes naturales’. Programa ezin zabalago eta ugariagoa egongo da danon eskura. Herrian, eskualdean, Bilbon, nahinon hitzaldiak, aurkezpenak, ibilaldiak, bisita gidatuak… (gehiago…)

0

Ikusi bideoa.

Joan dan ekainaren 15ean aurkeztu zan Berrizen, Besoita auzoan, Besoitaormaetxea baserriari buruz egin dogun bideoa: Besoitaormaetxea: euskal baserriaren jatorria eta oinarria.

Lan hau Berrizko Udalak eskatutakoa izan da, eta bertan Gerediaga Elkarteak, Gakoa: kultura eta ondarea enpresearen bidez, baserri horretan egindako ikerketaren ondorioak erakusten dira. Ikerketeak Besoitaormaetxeak, etxolatik baserri ederrera heldu arte mendeetan egindako ibilbidea aztertu dau. (gehiago…)

0
Jean Mixel Bedaxagar, Igone Etxebarria, Maite Deliart, Jon Bagues.

Mintzolak eratuta, urriaren 27an jardunaldia egin dabe Villabonan kantu tradizionalak batu eta gordeten jarduten daben lau erakundek. Hizlariak izan dira Maite Deliart Euskal Kultur Erakundearen izenean; Jon Bagues Eresbilen zuzendaria; Jean Mixel Bedaxagar Sü Aziako burua eta Igone Etxebarria Labayru Fundazioaren ordezkari. Gai-jartzaile Nere Erkiaga, Xenpelar Dokumentazio Zentrokoak jardun dau. (gehiago…)

0
Bideoko lekukoak eta erakundeetako arduradunak.

Joan dan urriaren 14an, Altamirako liburutegian, Busturian etxetik kanpo dokumentalaren aurkezpena egin genduan. Hainbat lagun batu ginan: egitasmoan parte hartu daben lekukoak; herritarrak; Udaleko arduradunak Aitor Aretxaga, alkatea, Idoia Etxebarria eta Naiara Ruiz, zinegotziak; eta Labayru Fundazioko ordezkariak Adolfo Arejita, zuzendaria, eta Akaitze Kamiruaga, egitasmoaren arduraduna eta egilea.

Sakatu hemen ikusteko(gehiago…)

0

Basauri ezagutzeko bideo bi egin ditugu Udalak eskatuta. Ibilbide baten bitartez, auzoetatik paseoa egin gura dauenak, bidean ikusiko dituanen barri izango dau bideoan. Basauri asko aldatu da, goitik behera, XX. mendearen industrializazino gogorreko urteetan. Gero be, uholdeek batetik eta krisi ekonomikoak bestetik, aldaketa handiak ekarri deutsiez. Lehengo eta oraingo Basauri ezagutzeko modu polita da, bertakoentzat zein kanpokoentzat. Kaminotik pasaukeran ikusten diran etxe-torreak eta lantegietatik harago, zerikusi asko eta beste hainbeste jakingarri dagoz, guztiz ikusgarri eta interesgarriak.

Basauri: Ariz – Artunduaga – Lapatza -Ibarra

Basauri: San Migel – Finaga – Castillo.