Tag: Ander Manterola

Paco Garmendia gogoan

0
Argitaratze data: 2016-12-05 Kategoria: Ekitaldiak, Etnografia, Hizkuntza
Ezkerretik hasita, Juan Jose Etxeberria, Ander Manterola, Jabier Lezaun, Jose Antonio Garrido eta Cristina Zabala.

Abenduaren 2an Zestoako bainuetxean Paco Garmendia zana gogoratu eben, heriotzaren urteurrenean. Cristina Zabala, Deustuko Unibersidadeko Soziologiako dekano ordea gidari dala,  bost hizlarik parte hartu eben ekitaldian, Ander Manterola tartean dala (gehiago…)

Ander Manterolari “Gazte Role Model” saria emon deutso Begoñazpi Ikastolak

0
Argitaratze data: 2016-11-15 Kategoria: Barriak, Ekitaldiak, Etnografia, Euskal Biblioteka

Begoñazpi Ikastolak gizartean lan eta alkartasun baloreak zabaltzen eredu izan diran personen ibilbidea saritzen dau. Bederatzigarren edizino honetan Ander Manterola eta Eduardo Junquera aukeratu ditu epaimahaiak sarigai, bakotxak bere arloan gizarteari egindako ekarpenagaitik.

Ander Manterolaren kasuan, euskera eta etnografia arloetan euskal gizartearentzat egindako beharra nabarmendu dau epaimahaiak. Gizon eragina, erakunde-sortzailea, alkartasunean lan egindakoa dala hartu dabe kontuan.

Sari emotea azaroaren 14an izan da Begoñazpin bertan. Nestor Basterretxeak egindako ikurra emon eutsien Cristina Uriarte Hezkuntza eta Kultura sailburuak eta Mario Iceta Bilboko gotzainak. Lorea Bilbao Bizkaiko Foru Aldundiko Kultura diputadea, Juan Mari Aburto Bilboko alkatea, Koldo Narbaiza zinegotzia, Eleizbarrutiko ikastetxeetako ordezkariak eta beste arduradun eta lagun asko batu ziran ekitaldira.

Ander Manterola Gomiztegi Artzain Eskolan

0
Argitaratze data: 2016-09-30 Kategoria: Barriak, Etnografia

Ikasturtea hasi da Gomiztegin, Arantzazuko Artzain Eskolan. Aurten be Ander Manterola konbidau dabe ikasle barriei agurreko eskolea edo hitzaldia emoteko. Irailaren 12an joan zan, aurten hamabosgarrenez.

Ikasleen artean aurten 11 mutil eta 3 neska hasi dira, guztira 14. Danak Euskal Herrikoak dira oraingoan, nafarrak 4, gipuzkoarrak 7, arabarrak 2 eta bizkaitar bat. Adinez, gehienak 21-30 urte bitartekoak dira, baina badira gazteagoak eta zaharragoak be.

Anderrek artzaintzaren ikuspegi etnografikoa erabili dau, Euskal Herriko artzaintza tradizionalean oinarrituta,

Nikolas Segurola eta Batis Otaegi arduradun direla, ikasketa praktikoak egiten dabez Gomiztegira doazen ikasleek.

Labayru Fundazioan bisitan

0
Argitaratze data: 2016-05-26 Kategoria: Etnografia, Euskal Biblioteka, Kategoria gabea
Enrique Aramburu, Ander Manterola, Naiara Ardanaz, Anton Erkoreka.

Maiatzaren 24an, Labayru Fundaziora bisitan etorri dira Naiara Ardanaz, Nafarroako Unibersidadeko Euskal Hizkuntza eta Kultura Katedraren arduraduna eta Etniker-Nafarroako burua; Anton Erkoreka, Euskal Herriko Unibersidadeko Medikuntzaren Goti Museoaren zuzendaria eta Etniker Bizkaia taldeko kidea; eta Enrique Aramburu, botikaria eta Plentziako Farmazia-Museoaren arduraduna. Bisitaldi horretan, Euskal Biblioteka ikusi eben, lan-batzarra egiteaz ganera.

Labayru gaur

Bilatu

Saskia

Artxiboa

Kategoriak