Tag: botaba
Iaz baino bideo gehiago hartu ditugu Botabaren bigarren edizioan, partaidetza are handiagoa izan da eta eragin-eremu zabalagora heldu gara. 70 bideotik gora aurkeztu dira lehiaketara eta adin-talde guztietako parte-hartzea izan dugu. 16 urtetik gorako gazteak eta ez hain gazteak ere batu zaizkigu egitasmora. Bizkaia, Gipuzkoa eta Arabako hainbat bazterretara heldu gara: Bilbo, Abadiño, Igorre, Durango, Gernika-Lumo, Galdakao, Basauri, Mungia, Zornotza, Oñati, Donostia, Azkoitia, Zarautz, Eibar, Pasaia eta Gasteizera, besteak beste. (gehiago…)
Labayruk Gaztea Irratia izango du beste behin ere bidelagun nagusi egitasmo honetan. Azaroaren 5etik aurrera eta lehiaketak dirauen bitartean, goizetako Di-da saioan egongo gara Julen Telleriaren lantaldearekin batera, astelehenero 08:30 inguruan, lehiaketaren nondik norakoen berri ematen. Botaba erronka Euskal Herri osoko gazteen artean zabaltzeko bide zuzen eta eraginkorra izango da Gaztea.
Sare sozialen bitartez euskal esamoldeen ezagutza eta erabilera sustatzeko helburua du lehiaketak. Hiztunon hizkuntza-ohituretan eragin nahi du, erregistro kolokialago batean jarduteko behar ditugun baliabideak eskainiz. Horregatik, maila informalean euskararen presentzia garatzeko eta euskararen normalizazioan bide berriak urratzeko beharrizanaz jabeturik, hainbat erakunde batu zaizkigu ekimenera. Hala ba, babesleen artean EAEko hiru aldundiak, hiru hiriburuetako udalak, BBK Fundazioa eta Eusko Jaurlaritza izango ditugu. (gehiago…)
Azaroaren 5ean hasiko da Labayru Fundazioak bigarren urtez antolatutako Botaba lehiaketa. Instagram izango da euskarria eta Gaztea Irratia bozgorailua, egunerokoan darabiltzagun esamoldeak Euskal Herri osora zabaltzeko.
Indarberrituta eta hainbat berrikuntzarekin dator aurtengo edizioa.
`Kategoriako´ sariak izango dira aurten jokoan, kategoria ezberdinetan. Partaidetza handitu eta sustatzeko asmoz, 4 kategoria diferentetan parte hartzeko aukera emango da, bakoitzean sari ederra irabazteko aukerarekin. Kategorietako bat, gainera, euskaltegiei zuzenduta egongo da, ikasgelan bertan sortutako bideoekin lehiaketarekin bat egin ahal izateko: (gehiago…)
Bueltan da BOTABA lehiaketa. Euskal esamoldeen erronkak ahalik eta gazte gehienengana heltzea du helburu aurten ere. Horretarako, indarberrituta, berrikuntzekin eta gogotsu dator bigarren edizioa.
Beste behin ere, Labayru Fundazioak Gaztea irratia izango du bidelagun egitasmo honetan, baina ez da kolaboratzaile bakarra izango. Iaz Zuriñe Hidalgo, Alex Sardui eta Aritz Aduriz izan ziren promozio kanpainako protagonista nagusi, eta aurten aurpegi berriak izango ditugu lehiaketako enbaxadore lanetan, erronka Euskal Herriko zein mundu zabaleko euskaldun gazteen artean zabaltzeko. Iban Garcia youtuberrak, Aitziber Garmendia aktoreak eta Isma Pereira El Conquistador del Fin del Mundo saioko lehiakide oihak etengabeko jarraipena egingo diote lehiaketari beraien Instagram kontuetatik. (gehiago…)
Bilbo-Abando
Colon de Larreategi, 14 – 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri, 1A - 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep., 6A
48004 Bilbo (Bizkaia)
Tel.: +34 94 607 72 10
labayru@labayru.eus
