Labayru Gaur

2024-2025 ikasturte honetan Bilboko Itsasmuseumak antolatzen dauan Zer da itsasoa zuretzat? ekimenaren bigarren edizinoa egin da.

Lehiaketa hau Bizkaiko DBHko ikasleei zuzenduta dago, eta banaka edo taldeka parte hartzeko aukera daukie. Galdera horretatik abiatuta, ikasleek telefono bidez grabautako alkarrizketa bat egin behar deutsie euren aitita-amamei edo erreferentziazko beste edozein personari.

Egitasmo honen helburua belaunaldien arteko alkarrizketa sustatzea; itsasoak eta itsasadarrak gure kulturan eta ondarean daukan garrantzia nabarmentzea; eta tresna digitalen erabilera arduratsua eta sortzailea sustatzea da.

Hirurogeta hamar lanetik gora aurkeztu dira. Horreen artean irabazleak ebazteko lau personak osotutako epaimahaia sortu da. Euren artean Labayru Fundazioaren izenean Akaitze Kamiruaga izan da.

Ekainaren 5ean izan zan sari banaketea Itsasmuseumean egindako ekitaldi hunkigarri eta ederrean. Bertan batu ziran ikasleakaz batera, euren gurasoak eta aitita-amamak, epaimahaiko kideak eta Itsasmuseumeko ordezkariak.