Kategoria: Kategoria gabea

0

Jesus Eguzkiza Eguzkiri alkarrizketa egin deutsie Geuria – Hego Uribeko herri komunikabidean (Geuria.eus), ekaineko alean, beste hainbat lagunegaz batera. Kultura, zinea, antzerkia, telebista eta hainbat arlotako personak alkarrizketatu dabez, hizkuntzaren eta jarduten daben arloaren ganean.

Tartean da Eguzki, hainbat urtean bikoizle ibilitakoa eta euskalgintzan ibilbide luzea egindakoa. Erretiroa hartuta badago be, ontxe be Euskal Telebistan haren ahotsa erreferentziazkoa da.

Irakurri hemen alkarrizketa.

Iturria: Geuria – Hego Uribeko herri komunikabidea edo Geuria.eus

0
Foto cedida por la familia Zugaza. © Casa de S.M. el Rey

Espainiako errege-erreginen eskuetatik hartu dau Leopoldo Zugazak Arte Ederretako Merituen Urrezko Domina otsailaren 6an Malagan.

Leopoldo Zugaza (Durango, 1932) kultur eragile handia dogu hainbat arlotan gazte-gaztetatik, eta horretan egindako ibilbidea saritu deutsie. Hainbat alkarte, erakunde eta enpresaren bidez, euskal kultura zabaltzeari ekin deutso era batera edo bestera. Editore, arte-erakusle, alkarteetako laguntzaile… izan da.

Labayru Fundazioan hasieratik dogu laguntzaile, Artezkaritzako presidentea izan da, eta hainbat argitalpenen arduradun dogu.

Zorionak Leopoldo!

0

Urriaren 18 eta 19an Igone Etxebarriak Euskal Kulturaren Memoriari buruzko mintegian parte hartu dau Sabino Arana Fundazioan, Bilbao 700 Fundazioak eratuta.

XX. mendeko memoria gogoratzeko helburuagaz, kulturaren ikuspegi askotatik aztertu dabe gaia hainbat adituk.

Lehenengo egunean Igone Etxebarriak euskal literaturaren gainean jardun dau, Alberto Lopez Etxebarrietak zineari buruz, eta Javier Viarrek artea aztertu dau. Bigarren egunean beste hiru arlo erabili dira: Mercedes Albainak musikea, Joseba Lopezortegak BOSen historia eta Josu Chuecak kultura bideratzeko azpiegiturak.

0

Urriaren 5-6an, I Kultur Ondare Materiagabeari buruzko Nazioarteko Kongresua egin da Iruñean, Nafarroako Ondare Materiagabearen Katedrak antolatuta. Komunikazinoak aurkezteko, hiru ikuspuntu proposatu ziran: ikerketa, artxiboa eta transmisinoa. Guk Kongresuan komunikazino bi aurkeztu doguz. (gehiago…)

0
Etniker Euskalerriko zuzendaritza-batzordea Labayru Fundazioan. Derio, 1995. Aurre-aurrean, Miren Goñi.

Miren Arantzazu Goñi Auzmendi, Mirentxu etxeko eta hurrekoentzat, Tolosan jaio zan (1925) eta Bergaran hil barri da (2017).

Ahiztea, Karmele Goñi, etnografoa ebala-ta, don Jose Miguel de Barandiaranegaz hartu-emonean jarri eta holan sartu zan bera be etnografiaren munduan. Josu Oregigaz ezkondu zanean Bergarara joan ziran biziten, eta Mirenek Elosua auzoko ohiturak eta bizimodua batzeari ekin eutsan. (gehiago…)

0

Bosgarren urtez eratu da Bilbon ‘Berbagunea’, Bilbo euskaldunari agiriko lekua emoteko. Aurrekoetan moduan Labayruko ikasle talde batek parte hartu dau Alondegiko ekitaldian. Jarduera horren helburua da euskaldunak alkartzea eta euskeraz jardutea hainbat orduz jarraian.

Euskaldun onak eta ikasten dabizenak, gazteak eta adinekoak, gizarte arlo guztietakoak alkartu dira aurten be Bilbo erdi-erdian. Taldeka-taldeka hainbat alkarrizketa egin dabez euskeraz, gai guztiei buruz. Izan be, euskereak bizitzako arlo guztiak adierazteko balio dau. Euskerea jakitetik erabiltera jauzi egiteko aukera ezin hobea.

0

Idatz & Mintz – Literatur Atalen Sorta izeneko aldizkariaren 60. zenbakia argitaratu barri dogu. Udan eta neguan, urtean birritan kaleratzen da joan daneko urteotan, era guztietako literatur testuakaz osotuta. (gehiago…)

0
Ander Manterola, Jose Angel Chasco, Segundo Oar-arteta.

Ekainaren 21ean José Ángel Chasco euki dogu Labayrun bisitan. Chasco Etniker Araba taldeko kidea da, eta ikerketa etnografikoa bere herrian egiten dau, Errioxar Arabako Moreda Araba herrian.

José Antonio González Salazar eta Etniker Arabako beste kide batzukaz batera, ikerketa bat egiten dabil Sierra de Toloño izena dala-ta, izendapen horren alde beste batzuk Sierra de Cantabria izenaren alde egiten daben bitartean. Ikerketa horretarako Labayru Fundazioko kartografia konsultatzera etorri da, izen horren historia agirien bitartez erakusteko. Sierra de Toloñok Arabako Gatzaga Buradon eta Bastida herrietatik hasi eta Nafarroako Lapoblación herriraino hartzen dau.

0
Enrique Aramburu, Ander Manterola, Naiara Ardanaz, Anton Erkoreka.

Maiatzaren 24an, Labayru Fundaziora bisitan etorri dira Naiara Ardanaz, Nafarroako Unibersidadeko Euskal Hizkuntza eta Kultura Katedraren arduraduna eta Etniker-Nafarroako burua; Anton Erkoreka, Euskal Herriko Unibersidadeko Medikuntzaren Goti Museoaren zuzendaria eta Etniker Bizkaia taldeko kidea; eta Enrique Aramburu, botikaria eta Plentziako Farmazia-Museoaren arduraduna. Bisitaldi horretan, Euskal Biblioteka ikusi eben, lan-batzarra egiteaz ganera.