Tag: Jabier Kalzakorta

0

Euskal baladak lana dala-ta, Juanra Madariaga idazleak Jabier Kalzakortagaz jardun dau, eta ikerketa-lan horren barri emoten dau Bilbao aldizkariaren barruan argitaratzen dan Pergola izeneko gehigarrian.

Irakurri artikulua.

0

Herri literaturaren ikertzaile handia dogu Jabier Kalzakorta. Oraintsu Euskal baladak: azterketa eta edizio kritikoa izeneko lan ikaragarria argitaratu dau liburuki bitan. Horren harira alkarrizketa luzea egin deutsie eitb.eus atarian.

Irakurri alkarrizketa.

0
Jabier Kalzakorta eta Dabi Piedra.

Jabier Kalzakortak argitaratu barri dauen Euskal baladak: azterketa eta edizio kritikoa lana dala-ta, Bizkaie aldizkari digitalean alkarrizketa luzea egin deutso Dabi Piedra kazetariak. Bertan emoten ditu egileak hainbat jakingarri baladen generoari buruz eta lan-prozesuari buruz.

Irakurri alkarrizketa.

0
Jabier Kalzakorta, Labayruko eta Deustuko lagunakaz.

Jabier Kalzakortak Euskal baladak: azterketa eta edizio kritikoa lana aurkeztu dau. Unibersidaderako egindako tesi-lana da berez, eta hor batu ditu orain arte ezagutzen diran balada eta balada-zati guztiak. Bere helburua jatorriko iturrietara jo eta testuak zehatz eta manipulau barik emotea izan da.

Antonio Zavala zanaren lorratzetik, 75 balada-gai landu ditu. Bere ekarpenik handienetakoa da ezezagun ziran aldaerak gehitzea beste biltzaile batzuek egindako bildumetara. Etxe, kamara, korta, liburutegi, biltegi eta era guztietako gordelekuetan ibili da Euskal Herri osoan holangoen bila, eta bai topau be harribitxi zoragarriak. Berak esan dauen moduan, makinatxu bat pausu egin ditu ezer topau barik, baina kanturen bat aurkitu orduan, orduan bai poza.

Ahoz lehenago kantatzen ziran, eta orain dala 30-40 urte batzen ziran baladak hondino. Gaur egun guztiz aldenduta dagoz memoriatik, kantari ezagunen bitartez ezagutzen ditugunak izan ezik.

Aurrerantzean erreferentziako lana izango da hau, euskal herri-literatura ezagutu edo landu gura dauen edozeinentzat.

Labayru Fundazioak argitaratu ditu liburukiok, BBK Fundazioaren eta Markinako Udalaren laguntzaz.

 

0

Euskal baladak: azterketa eta edizio kritikoa izenburuagaz argitaratu barri dau Labayru Fundazioak Jabier Kalzakortaren tesi-lana. Liburuki bi dira, 1.500 orri ia, 75 balada-gai bederatzi ataletan, 5.000 aldaeratik gora. Lan honek mugarria ezarriko dau ahozko literaturako corpusetan, aurretik Resurreción Mª Azkuek eta Antonio Zavalak egin eben moduan. (gehiago…)

0

Urtarrilaren 24an aurkeztu dogu Igorren, Arratiako Udalen Mankomunitatearen egoitza, Arratiako dantza-koplak izeneko liburua. Bertan parte hartu dabe Miguel Angel Etxebarria Mankomunitateko presidenteak, Jabier Kalzakorta egileak, eta Adolfo Arejita Labayru Fundazioko zuzendariak. (gehiago…)

0

Boletin honetan iragarri genduan moduan, Jabier Kalzakortak Euskal Baladak-antologia izeneko liburua argitaratu barri dau. Hori dala-ta, Bizkaia Irratian alkarrizketa egin deutsie, eta Bilbao izeneko aldizkarian be bai. Dokumentu biok dakarguz hona, lanaren ganeko argigarri diralakoan.

Bilbao 2018ko urtarrila.

Entzun Bizkaia Irratiko alkarrizketa.

 

0
Jose Ramón Blanco, Jabier Kalzakorta eta Josu Bijueska.

Jabier Kalzakortak, herri-literaturako adituak, baladen antologia bat argitaratu dau Euskal baladak / Baladas vascas izenburuagaz, Editores Muelle de Uribitarte argitaletxean. Antologia horretan, euskal balada hautu batzuk emoten ditu, gaztelerazko itzulpenagaz.

Aurkezpena abenduaren 19an egin dabe Cámara liburudendan, Bilbon. Egileagaz batera egon dira José Ramón Blanco editorea eta Josu Bijueska Deustuko Unibersidadeko irakaslea.

Baladak gure herri-literaturako genero berezia da. Poema narratibo honeetan gai historikoak, maitasunezkoak, heriotza bortitzekoak tratatzen dira. Gaur egunera arte heldu jakuzanak Jabier Kalzakortak batu ditu batez be, lehenago Antonio Zavala zanak egindako lanari jarraituz.

0

Abenduaren 1ean hitzaldia egin dau Jabier Kalzakortak Foru Liburutegian Olentzerori buruz. ‘Literatur topaketak’ programaren barruan, Olentzero euskal kantutegian zelan agertzen dan azaldu dau Jabierrek.

Laster dira Gabonak eta herri guztietan urtengo dira taldeak kantuan Olentzerori opariak eskatzeko. Inguru batzutan ohitura hori nahiko barria da, baina tradizinoa aspaldikoagoa da. Euskal kantutegian horren adibide eta argibide asko dagoz, eta hori azaldu dau Jabier Kalzakortak hitzaldian.

‘Literatur topaketak’ programako hitzaldi guztiak liburu baten argitaratu dira, eta hor da Kalzakortak abenduan emondakoaren testu idatzia be.

0

Azaroaren 10ean Jabier Kalzakortak saio bat egin eban Otxandioko liburutegian, bertako irakurketa taldeagaz. Talde horretan herriko irakurleak alkartzen dira eta hilean behin euren jardunerako liburu bat aukeratzen dabe.

Azarorako Otxandioko talde honek aukeratu eban obra Kalzakortak aspaldi itzulitako Pu Sonlingen ipuinak izan zan eta saioan, irakurleen usteak eta eretxiak entzunez, itzultzaileak lana zergatik moldatu eban azaldu eban. Horrezaz ganera, hainbat jakingarri erakutsi eban Txinako ipuin bilduma honen ganean zein aspaldion ahozko literaturaren lekukoak eguneratuz Auspoa bilduman egiten diharduan argitarapen lanaren ganean.