Kategoria: Gertakizunak

0

Leopoldo Zugazak jente askorengan euki dau eragina, eta hutsune handia itxi dau. Batzuen omenaldia batu dogu, Labayruren inguruan Leopoldogaz hartu-emona euki daben lagunak dira danak.

————————

Este es un pequeño homenaje de muchas personas que han conocido y tratado a Leopoldo Zugaza en el entorno de Labayru. Es una persona que nos ha marcado y que deja un gran vacío.

 (gehiago…)
0

Leopoldo Zugaza hil dala jakin barri dogu. Bizitza luzea eta oparoa izan dau, kulturaren alor guztietan emonkorra eta bete-betea. Euskaltzale fina izan da, euskereari gorengo mailea emon guran ahalegin asko egindakoa.

 (gehiago…)
0

Abenduaren 3an, San Frantzisko Xabierkoaren egunean, Euskeraren Nazioarteko Eguna ospatzen dogu euskaldunok. Gaur egun, jai horren inguruan, alkarte eta erakunde gehienek eratuten dabez ekitaldiak.

Labayrun be badaukagu zer ospatu. Bizkaiko Foru Aldundiak Euskeraren Eguneko jardueren artean, Lauaxeta Saria emoten dau; aurten sarietako bat “Bizkaiko euskaltegiak” taldearentzat da, eta hor gagoz geu be. Saria abenduaren 2ko ekitaldian emongo dabe.

Horrez ganera, Labayrun Bizkaiko hainbat udalentzat egiten ditugu lanak, eta udalok egun horretako ospakizunak aprobetxetan dabez lanok herritarrei erakusteko. Hori dala-ta, abenduaren 1ean Sopelan “Sopela, ikusiago eta maiteago, itsasoz eta lehorrez” izeneko bideoa aurkeztuko da; hilaren 2an Laukizen “Laukiz. Dana emon bihar jako maite dan askatasunari” bideoa; 3an Arratzun han egindako ondarearen bilketa.

0

Igaro dan abuztuaren 10ean joan jakun gure artetik Juan Zelaia (Oñati, 1920-2016) enpresagizon eta euskal ongile handia, 96 urtera ailegatu hurren (abuztuaren 29an jaioa zan), bizitza luze bizi eragin eta emoitsu baten ondorik. Juanito esaten eutsen etxekotasunez lagun eta ezagun hurrekoek.

Aspalditxuon ez geunkan haren barri handirik, baina badakigu geldi egon ez dana, harik eta osasunak lagundu deutsan arte. Burua argi azkeneraino. Osasunez be oraintsura arte ondo antzean. Osasun arazo txikiren bat zalako bat korapilatu jakon azkenean eta halantxe ustekabean alde egin deusku. (gehiago…)