Labayru Gaur

Bediako ondarea ezagutzeko eta zabaltzeko hainbat lan egin ditugu bertako udalaren laguntzaz. Azkenengo aldian, aurretik egindako bideoen lagungarri diran liburuxkak prestau ditugu, hiru guztira. Aurten egin dogu hirugarrena, Murtatza auzotik doan ibilbidea erakusten dauen bideoaren osagarri dana.

Murtatza auzo handia da lurrez, kaminoaren alde bietara. Kanposantu aldetik sartuta, Txorroaga, Belaustegi, Telleri, Errementeri eta Astuiko inguruak igaroten ditu ibilbideak, bideoan ikusten dan moduan. Han emondako informazinoaren osagarri da liburuxkan argitaratutakoa. Ganera, liburutik bertatik dago bideorako loturea QR baten bidez.

Udala ibilbideok marketan hasi da, ibiltariek galdu barik egin ahal izan dagiezan. Azkenean euskarri guztiak lotuta dagoz. Bidean bertan dagozan seinaleetan QR kodeen bitartez informazinorako sarbidea ipiniko da.

Hirugarren honegaz osotuta geratzen da ibilbideen eta herriko ondarearen zabalkunde horretarako egitasmoa.