Labayru Gaur

Badoa aurtengo ikasturtea. Lehenengo eskolak irailean hasi baziran be, gehienak urrian zehar joan dira hasten.

Une honetan bai Boluetan bai Colonen emoten dira eskola presentzialak, batuaz eta bizkaieraz. Horri gehitu behar jako autoikaskuntza. Azken horretan, iaz baino ikasle gehiago daukaguz, ganera.

Baina gure egoitzetan ez eze beste hainbat lekutan irakasten gabilz. Ikastetxeetan, kasurako: BAM, Sodupeko Avellaneda, Begoñazpi Ikastola eta Peñaskal Kooperatiba, orain arteko moduan, eta aurten Sopuertako San Viatorren be bai. Eta Iparragirre ikastolan ikasleen guraso talde bi sortu dira.

Erakundeetan be jarraitzen dogu eskolak emoten: BFA, BBNN, Bilboko Udala, Segurtasun Saila eta IVAP. Holakoetan danetarik emoten dugu: mintzamena, trebatze-eskolak, euskalduntzeko eskolak…

IRALE programan hainbat ikastaro emoten gabilz hizkuntzaren zuzentasuna eta egokitasunaren ganean, ikastetxe honeetan: CEIP LEKEITIO HLHI (3 talde), IES MUSKIZ BHI (3 talde), ANOETA IKASTOLA HLBHIP (talde bat)

Enpresei jagokenez, iazko bezeroakaz jarraitzen dogu: Mainatzen, Biscaytik, Innobasque, Bilbao-Metropoli 30, Ihobe. Eta bezero barria dogu aurten Azkuna zentroa. Horreetan be, danetarik irakasten dogu.

Zornotzako Udalak eskatuta, bizkaierazko ikastaroa emongo dogu herritarrentzat.

Guztira, gitxi gorabehera, iaz beste klase izango dira.