Labayru Gaur

0

Laster sartuko gara ikasturtearen azken txanpan, baina ikasteko gogoa hondino be biztuta eukiko dozuelakoan, albiste on bategaz gatoz; izan be, maiatz hasieran, itzulpengintzari buruzko ikastaro bat jarriko dogu martxan, online: “Itzulpengintza ikastaroa (1. maila)”. Apirilaren 20tik 29ra bitartean emon ahal izango da izena.

Ikastaro horretan, gaztelaniatik euskerara itzultzeko oinarri batzuk eskainiko ditugu; horretarako, idazketa-zuzentasuna landuko dogu batez be, horixe dalako itzulpengintzaren oinarrietako bat: xede-hizkuntzan zuzen eta egoki idazten jakitea. Prozesu horretan, hainbat gai landuko ditugu, besteak beste: sareko baliabide informatikoak, Euskaltzaindiaren arauak, hitz-elkarketa, letra larriak eta xeheak, atzerakarga…

Metodologiaren aldetik, teoria, ariketak eta itzulpenak tartekatuko dira, euskerara itzultzen hasteko oinarriak emoteko asmoagaz.

Hona hemen beste jakingarri batzuk:

Ordu-kopurua: 40

Plataforma: Moodle

Data: 2022/5/2 – 2022/6/26 (8 aste)

Prezioa: 305 €

Iruzkinak ( 0 )

    Iruzkin bat idatzi

    Your email address will not be published. Required fields are marked *

    Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.