Labayru Gaur

Euskeraz egindako tesirik onenak saritzeko sortu zan Koldo Mitxelena saria, aurten zazpigarren edizinoa egin dauena. Euskal Herriko Unibersidadearen eta Euskaltzaindiaren artean kudeatzen daben sari honetan, aurten Eneko Zuloaga saritu dabe Artearen eta Giza Zientzien arloan. Hilaren 13an egin eben sari-banaketa ekitaldia.

Enekoren lanaren gaia: Mendebaldeko euskerearen azterketa dialektologiko-diakronikorantz. Mendebaldeko euskerea aztertu dau dialektologiaren alderditik. Guztira 74 tesi aurkeztu dira, bost jakintza-arlotan banatuta.

Unibersidadera salto egin aurretik, Labayrun behar egin eban urte batzutan Enekok, herri-ondareko arloan. Orduan hainbat euskalduneri alkarrizketak eta grabazinoak egiteko aukerea euki eban. Horrez ganera, Litterae Vasconicae aldizkarian parte hartu izan dau, bere ikergaiagaz zerikusia dauken artikuluakaz (13, 15, 17 zenbakiak).

Ikasle-denporan erreferente izan dituan irakasleak, berak aitatutakoak, gure ingurukoak dira danak: Iñaki Sarriugarte Basauriko institutuan; Juan Manuel Etxebarria, Adolfo Arejita eta Jabier Kaltzakorta Deustuko Unibersidadean.

Zorionak, Eneko, bide oparoa opa deutsugu.