Labayru Gaur

2020an ekindako bideari jarraipena emoteko, beste 6 podcast eta bideo-podcast sortu dauz Labayru Fundazioak Bilboko Udalagaz batera. Danetara, 18 ale dagoz eginda.

Gazteen artean euskerearen erabilerea areagotzea eta lagun arteko erregistroa lantzea dira, besteak beste, egitasmoaren helburuak. Honeek dira aurten sortutako izenburuak:

1. GAZTEAK EUSKARAZ – Begi guztiek ez dute berdin ikusten

2. GAZTEAK EUSKARAZ – Eroaren ahotik hitz zuhurrik ez

3. GAZTEAK EUSKARAZ – Erreka onak, arrain ona

4. GAZTEAK EUSKARAZ – Jaio eta hil, denok berdin

5. GAZTEAK EUSKARAZ – Lurra zaintzen baduzu, lurrak zainduko zaitu

6. GAZTEAK EUSKARAZ – Zer hintzen eta non hago!

Oraingoan, beharrari ikutu berezia emoteko, Bilboko lekurik esanguratsuenen irudiak egin dauz Enrike Morente ilustratzaileak: Guggenheim museoa, San Mames futbol-zelaia, Zazpikaleak, San Frantzisko, Areatza eta Artxandako funikularra.

Podcastak Ivoox eta Spotify plataformetan dagoz ostatututa, eta bideo-podcastak Labayruren Youtubeko kanalean. HABEren Ikasbil atarian be badagoz eskuragai.