Labayru Gaur

Gaur goizean MUNDUENEA, Munduko ipuinen etxea ipuin-bilduma aurkeztu da Bilbon, BBK Gelako sarreran. Ekitaldia Igone Etxebarria, Labayru Fundazioaren zuzendariaren berbakaz hasi da. Bertan bildutako guztiei eskerrak emon eta egitasmo berezi honen nondik norakoak azaldu ditu.

Bere ostean parte hartu dabe Xabier Arauzo Aldundiko Euskara Sustatzeko zuzendariak, José Ignacio Rodríguez Aldundiko Lankidetzarako eta Dibertsitaterako zuzendariak, eta Jokin Azkue Jaurlaritzako HABEko zuzendariak. Izan be egitasmo honek Eusko Jaurlaritzako eta Bizkaiko Foru Aldundiko diru-laguntzak izan ditu.

Aurkezpenean egon dira egitasmo honetan zeregin desbardinetan kolaboratzaile izan doguzan lekukoak be. Eurak eta euren hurrekoak izan dira ipuinetan jasotako hamar kultura eta hamar hizkuntzetako ordezkariak.