Labayru Gaur

Busturian, umeen jolasetan egindako bilakaera jaso dogu Ostu-ostuka eta txopinka ikusentzutekoan. Udalak eskatuta, Ondarearen Europako jardunaldietarako prestautako egitasmoa da. Urriaren 20an aurkeztuko da, Altamirako liburutegian, iluntzeko 7:00retan. Horrez ganera, 22an, domekan, eguerdiko 12:00etan, jolasok ikasteko tallerra egingo dabe.

Olgetak edo jolasak umeek sozializetako modu bat da, alkarregaz arauak ipinten eta beteten ikasteko. Baina olgetako moduak asko aldatzen dira belaunaldi batetik bestera. Lehenago naturak emoten eban edozer erabilten zan jolasteko: paluak, mendira joatea, kobazuloetan ibiltea, txirri-txirriak edo txoriak, bedarrak…

Beste era bateko jolasak iraunkorragoak izan dira, aldaerak euki arren: pelotan, txorro-morroka, kromoak, tabak, ostonduten, karreratan…

Hori erakutsiko da bideoan, herritarrek eurek azalduta. Sasoian sasoian zetan eta zelan olgetan izan daben euren ahotik entzuteko aukerea izango da.

Izan be, Jardunaldien aurtengo gaia ondare immateriala da, eta umeen jolasak bete-betean sartzen dira arlo horretan.