Labayru Gaur

Bilboko Udalak eta uriko euskaltegiek kanpainea hasi dabe, 2022-23 ikasturtean jenteak euskerea ikasteko izena emon daian. Euskereagaz irabazi egingo dozu da kanpainaren leloa. Izan be, euskerea eguneroko bizitzan eta alor guztietan erabiltearen abantailak azpimarratu gura ditu kanpaineak.

Aurkezpen ekitaldian Koldo Narbaiza, Udaleko Euskera zinegotzia, eta uriko euskaltegietako ordezkariak egon dira, tartean Josemi Vidales Labayru Fundazioko euskaltegiaren arduraduna.

Kanpaina irailean egongo da martxan. Markesinetan, Bilbobus sareko autobusetan, Udalaren sare sozialetan eta komunikabideetan zabalduko ditue kartela eta leloa. Barrutietako udaltegietan, kiroldegietan eta ikastetxeetan be kartelak ipiniko ditue.

Bilbon 17 euskaltegi dagoz eta igaz 8.300 bat ikasle izan zituen. Bilboko euskaltegietara dabizanen artean emakumeak gizonak baino gehiago dira, eta 16 eta 45 urte bitartekoak dira gehienak, goi mailako ikasketak dituenak nagusi dirala.