Tag: Berbagunea

Berbagunea 2018

0
Argitaratze data: 2018-12-01 Kategoria: Barriak, Hizkuntza

Aurten be Berbagunean parte hartu dogu, Azkuna Zentroan, Bilboko Alondegian. Ekimen honen helburua da euskerea Bilbo erdi-erdira ateratea, euskera arean dakien guztiek parte hartuta. Bilbok euskerea behar dau, eta euskereak Bilbo esanda dago. Jarduera honen bitartez, euskerea Bilboko bihotzean agirian jarri gura da, eta Bilbo euskalduna erakutsi.

Urtero lez, aurten be gure ikasle-irakasleek parte hartu dabe, beste askoren artean. Aurten, ganera, Euskaraldian bete-betean gagozala, inoiz baino gehiago dator harira.

Hainbat lagunek osotu dabe hiztun multzoa, era guztietakoak: berezko euskaldunak, euskera ikasi dabenak, ikasten dabizanak, maite dabenak. Ariketea hizkuntza erabiltea baino ez da, bakotxak dakian heinean eta dakian moduan.

Berbagunean parte hartzen

0
Argitaratze data: 2016-12-18 Kategoria: Barriak, Ekitaldiak, Hizkuntza, Kategoria gabea

Bosgarren urtez eratu da Bilbon ‘Berbagunea’, Bilbo euskaldunari agiriko lekua emoteko. Aurrekoetan moduan Labayruko ikasle talde batek parte hartu dau Alondegiko ekitaldian. Jarduera horren helburua da euskaldunak alkartzea eta euskeraz jardutea hainbat orduz jarraian.

Euskaldun onak eta ikasten dabizenak, gazteak eta adinekoak, gizarte arlo guztietakoak alkartu dira aurten be Bilbo erdi-erdian. Taldeka-taldeka hainbat alkarrizketa egin dabez euskeraz, gai guztiei buruz. Izan be, euskereak bizitzako arlo guztiak adierazteko balio dau. Euskerea jakitetik erabiltera jauzi egiteko aukera ezin hobea.

Labayru gaur

Bilatu

Saskia

Artxiboa

Kategoriak