Tag: Adolfo Arejita

Adolfo Arejita Euskaltzaindiaren jardunaldian

0
Argitaratze data: 2018-06-04 Kategoria: Barriak, Hizkuntza
Foto: Euskaltzaindia.

Ekainaren 1ean Donostian egin dabe “Euskara batua eta tokian tokiko erabilera: korapiloak eta erronkak” izeneko jardunaldia, Euskaltzaindiak eta Ezkerraberri Fundazioak eratuta. (gehiago…)

Facebooken arrakasta

0
Argitaratze data: 2017-04-10 Kategoria: Hizkuntza

Sareak dira gaur egun gure barriak eta edukiak argitaratzeko bide bat. Hizkuntza, lexikografia eta herri ondareko gaiak agertzen ditugu astean-astean. “Ahozko euskera hobetzen” izeneko atalean, euskera hobeto erabilteko oharrak egiten ditu Adolfo Arejitak. Izan be, Bizkaia Irratiko “Lau haizetara” saioaren barruan, eguenetan tarte baten kolaboretan dau ahozko hizkuntzari buruzko oharrak eginez. Horreek gero sareetan argitaratzen ditugu.

Normalean harrera ona izaten dabe tarteok, baina horreetariko batek aparteko arrakasta euki dau, “Eskerrik” berbearen erabilerari jagokona. 132 bider partekatu da geure Facebook-eko sarreratik, kontuan hartu barik zenbat aldiz biderkatu dan. Interesa sortu dau antza. Hemen daukazue entzungai. Ahozko euskera hobetzen.

Beste eduki mota bat herri ondareari buruzkoa da. Dala herrietako ondarea, dala urteko jai seinaladuen ganekoa… Kasu honetan, Mungiako Eusebia Duoren bideo-txatal bat argitaratu dogu, kukuaren ganean berbaz, eta hori be hainbeste jenterengana heldu da, hainbat ikustaldi izan ditu eta partekatzeak be antzeko beste bideoak baino askoz gehiago. hemen dozue ikusgai. Eusebia Duo kukuari buruz.

Ahozko euskeraren alde Bizkaia Irratian

0
Argitaratze data: 2016-10-24 Kategoria: Barriak, Hizkuntza

Hil honetan hasi da, urriaren 20an, Adolfo Arejita astean behin Bizkaia Irratian euskera zuzena erabilteko estilo-oharrak egiten.

Euskera jatorra, zuzena, egokia erabilteko oharrak izango dira. Gure inguruan zabal-zabal dabilzan erabilera badaezpadakoak eta kalkoak alboratu eta euskaldunek erabili izan dabezan forma ohikoagoak zeintzuk diran jajiteko erabiliko dau Adolfo Arejitak “Lau haizetara” saioko tartea. Estilo oharrak izango dira, eta batez be ahozko hizkerara lotuak, ahozko erregistroa eta idatzizkoa ezbardinak dira eta. (gehiago…)

Adolfo Arejita Omaetxebarriaren liburua aurkezten

0
Argitaratze data: 2016-05-31 Kategoria: Barriak, Hizkuntza
Adolfo Arejita, Jose Mª Gorroño, Andres Urrutia, Paulo Agirrebaltzategi.

Maiatzaren 27an aurkeztu da Ignacio Omaetxebarriaren (1909-1995) Euskara barrutik Estudios de lingüística vasca izeneko liburua Gernika-Lumoko Elai-Alai aretoan. Orain arte sakabanatuta egon diran artikuluen bilduma bat da, hizkuntzaren historia, gramatika, onomastika eta euskal kulturari buruzko lanak batzen dituana.

Ekitaldian, José Mª Gorroño Gernikako alkateak harrera-berbak egin ostean, Andrés Urrutia euskaltzainburuak egilearen ganeko jakingarri batzuk emon ebazan. Adolfo Arejita, Labayruko zuzendariak, liburuaren aurkezpenaren egilea  dala, lanon ekarpena hartu eban berbagai. Amaitzeko, Paulo Agirrebaltzategi frantziskorrak artikuluok batu, sailkatu eta sarrera-azterketa egiteko prozesua azaldu eban.

Aurkezpena Euskaltzaindaren Osoko Bilkuraren atsedenaldian egin zan, aurkezpen hori atxakia hartuta Gernika-Lumoko udaleko Kulturetxean batzartu zan eta. Ekitaldian egilearen senideak eta lagunak egon ziran.

Labayru gaur

Bilatu

Saskia

Artxiboa

Kategoriak