abendua 2019
Badator Durangoko Azoka, eta han egongo da barriro Labayru Fundazioa. Aurten be argitalpen barri batzuk dakarguz, lehenagokoakaz batera erakusteko. (gehiago…)
Botaba Euskal Esamoldeen Erronkaren hirugarren edizioa izan dugu aurtengoa eta, aurten ere, hainbat parte-hartzaile batu zaizkigu egitasmora. 60 bat bideo aurkeztu dira inoiz baino gazteagoa izan den lehiaketara eta Euskal Herriko hainbat lekutara heldu gara: Donostia, Gasteiz, Hondarribia, Ermua, Ondarroa, Bilbo, Iurreta, Pasaia, Gernika, Eibar, Ordizia, Zaldibia, Arama, Sopela…
Beste behin, sari potoloak egon dira jokoan. Sari nagusiaz gain, esamolde originalena ere saritu dugu. Eta gainera, lehiaketara aurkeztutako lehenengo hamar parte-hartzaileen artean Bilbao BBK Live-erako lau sarrera zozkatu ditugu, Last Tourren eskutik. Porru eginda esamoldearekin Ermuko @igpermua taldeak egindako bideoak irabazi ditu sarrerok. (gehiago…)
Liburu hau 2010ean hasitako ikerketa etnografiko baten emaitza da eta bertan errotarri-harginen lanbide galdua erakusten jaku, beste garai baten hain garrantzitsua izan zana. Izan be, Oiz ingurua eta Berriz dira errotarri-harrobi gehien katalogauta daukiezan Euskal Herriko eta Europa osoko udalerrietako bat; 20 hain zuzen be.
Liburuaren egilea Javier Castro etnografo gipuzkoarra da eta Berrizko Udalak argitaratu dau lana. Labayruren zeregina testuak bizkaieratzea eta edizinoa koordinetea izan da.
Kultur Etxean egin zan aurkezpen-hitzaldian, Javier Castro bera, Orland Isoird Berrizko alkatea, Juantxu Aguirre Aranzadiko idazkaria eta Akaitze Kamiruaga Labayru Fundazioaren Herri Ondareko arduraduna izan ziran. Hara bertaratu ziran Javierri harrobiak aurkitzeko lanetan laguntzen ibilitako lagun ugari be.
Azaroaren 30ean aurkeztu dogu Arratzun, Udalaren enkarguz egin dogun bideoa. 15 minutuko bideoa da, Arratzun zehar ibilaldi bat eginez, herria erakusten dauena. Bertan partu hartu dabe Izaskun Urkiagak Udalaren izenean, eta Igone Etxebarriak Labayrurenean. Horrez ganera, herriko jentea be batu da.
Ibilbide polita da, gura dauenak egiteko modukoa, eta horrek atxakia emoten deusku Arratzuko bizimoduaz, herriko ohiturez, herri-kulturaz edukiak zabaltzeko. Holan, ibilbidea egitera doanak, beste ikuspegi bat eta informazino gehiago eukiko dau ikusten dituan lekuei buruz. (gehiago…)
Bilbo-Abando
Colon de Larreategi, 14 – 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri, 1A - 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep., 6A
48004 Bilbo (Bizkaia)
Tel.: +34 94 607 72 10
labayru@labayru.eus
