Euskera eta euskal kulturako ikastaroak. Euskera teknikari eta Itzultzaile izateko ikastaroak (gehiago…)
Bizimoduari lotutako ondarea batu, aztertu, landu eta barriro gizarteratu (gehiago…)
Labayru Fundazioa euskal hizkuntza eta kultura jagon eta zabaltzeko helburuagaz sortu zan. Zeregin horretan hainbat ekarpen egin ditu, eta aurrerantzean be misino berari eutsi beharra ikusten dau. Horretarako, ezinbestekoa dau gizarteko eragileen laguntasuna.
Labayru Fundazioa 1977an sortu zan, euskal kultura ondarea ikertu, bultzatu eta gizarteratzeko asmoaz. Helburu zabal horri erantzun guran, hainbat arlo lantzen ditu, ikerketa edo zabalkunde mailan: irakaskuntza, itzulpengintza, herri-ondarearen bilketa, euskeraren erabileraren normalizazino planak, etnografia, lexikografia…
Kulturgintza guzti horren osogarri garrantzitsua da Euskal Biblioteka, Euskal Herriari eta hizkuntzari jagokezan gaien ondare aberatsa gordeten dauena: liburutegia, hemeroteka, argazki-artxiboa, ikus-entzunezkoak, kartelak eta papergintza mota guztiak (liburuxkak, pegatinak, egutegiak…).
Joan dan urriaren 11n, Ondarearen Europako Jardunaldien barruan, Axpeko Andra Mari izeneko 30 minutuko dokumentala aurkeztu genduan eleizan bertan. Izan bere, jardunaldietako aurtengo gaia ondare arkitektonikoa da.
Ekitaldi bikotxa izan zan. Lehenengo eta behin Akaitze Kamiruagak, Labayru Fundazioak egindako ikus-entzunezkoa aurkeztu eban eta hara bertaratutako guztiek zuzenean ikusteko aukera izan eben. (gehiago…)
Ikasturte barria hasteagaz batera, irratietan kolaborazinoak egiten hasi gara. Euskadi Irratian hiru asterik behin parte hartuko dogu Labayru Fundazioaren barriak eta egitasmoak azaltzeko. Aurten Faktoria saioan astean-astean erakunde baten parte hartzea izango dabe: Nafar Ateneoa, Aranzadi eta Labayru Fundazioa. Aste bakotxean batek emongo dau bere jardueraren barri. Labayruk irailaren 17an egin dau lehenengo saioa, aurkezpen orokor baten bitartez. Hurrengoa urriaren 8an izango dau. (gehiago…)
Horixe da Taupa Euskaltzaleen Mugimenduak irailaren 25ean, Durangon, antolatu eban jardunaldiaren izenburua, “Ohiturak biziberritzen”. Izan bere, komunidade baten parte sentiarazoteko, ezinbestekoa da komunidade horren kultur ondarearen transmisinoa bermatzea; eta hizkuntzagaz batera, ohiturak dira kultura baten adierazle nagusiak. Gai hori jorratzeko arlo askotako adituek parte hartu eben, goiz eta arratsaldeko saioetan; bai hitzaldiak emonez, bai mahai-inguruan parte hartuta. Besteak beste: Aitzpea Leizaola, Kepa Fernández de Larrinoa, Jaime Altuna, Jakoba Errekondo… (gehiago…)
